Pesalemo 11:6 - Tosi Tapu

⁶ E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 11:6 ပူးပေါင်းရင်းမြစ်များ

Senesi 19:24

I le temi tonu lena, na fakavilo loa e le Eteleno mei le lagi ki Sotoma mo Komola se ua fatu kaka mo se afi.

Senesi 43:34

Na fakatotonu loa e Sosefo ke tufa kia latou a nea kai ala na tuku i ona mua. Na lasi tua lima ake le vaega o Pesamino i ona fetaina. Na lotou inu loa, ti na lotou fakafiafia fakatasi loa mo Sosefo.

Sopo 18:10

E munia le va o le masele i le kele, Ti e tuu le masele i lona ala.

Sopo 18:15

E leaise nofo se tasi o lona famili i lona falela ; Ti e laku loa le sufele ki lona nofoaga.

Sopo 20:23

Ti ko leinei, e kakau mai loa e le Atua kiate ia le afi o lona sausau, Ke fakaapele ia lona manava, Ti e fakamakona loa e ia a ia ki se ua gasau.

Pesalemo 105:32

Na fakato loa e ia kia latou le ua fefeka, Mo ni ulai afi i lolatou fenua.

Pesalemo 16:5

Ko le Eteleno ko loku inati mo loku kalise. Ko koe leia e taupau kiate au loku vaega.

Pesalemo 18:13

I le ao gigila leia na ano i ona mua, na mavae ai ni ao, O laku se ua aisi, mo ni malala kaka.

Pesalemo 32:10

E lasi ni mamae e maua e le tagata agaveli ; Kae ko leia e fanaki ki le Eteleno e takatakai a ia e lona kalasia.

Pesalemo 75:8

Kae ko leia e fakamaau ko le Atua : E tuku e ia ki lalo le tasi, ti e siki e ia ki aluga le tasi.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Esekiele 13:13

Koia e folafola ai le Aliki, le Eteleno, o pati : I loku sausau e kau fakato ia loa le afa ; E au fakafokifa loa se ua makeke i loku sausau ; Ti e to loa se ua fatu i le makeke katoa o maumaui le paa.

Esekiele 38:22

E kau fai loa aku fakamaau kiate ia ki le taumasaki ti mo le toto, Ki se ua makeke ti mo se ua fatu aisi ; E kau fakavilo loa le afi mo le sufele kiate ia ti mo ana solia katoa, Ti mo kakai api ala e kau loa mo ia.

Apakuki 2:16

E ke makona loa i le luma o lasi ake i le kololia ; Ke ke inu foki mo koe totonu, ti ke ke nofo telefua ! E maliu loa kiate koe le ipu o le lima atamai o le Eteleno, Ti e fakakelekele loa lou kololia e le luma.

Luka 17:29

kae i le aso leia na mavae ai a Lote i Sotoma, na to loa se ua afi mo se ua sulifa mei le lagi o tamate fuli latou.

Soane 18:11

Ti na pati loa Sesu kia Petelo : Toe velo lau seleta ki lona tukuaga. Pe leaise kau inu loa le ipu leia na soli mai e le Tamana ke kau inu ?

Uluaki tosi a Samuele 1:4

I le aso leia na momoli ai e Elekana lana sakilifisio, na soli e ia ni vaega kia Penina, lana avaga, mo ona vosa, mo taineliki fuli ala na maua e ia iate ia.

Uluaki tosi a Samuele 9:23

Na pati loa Samuele ki le tagata kuka : Aumai le vaega leia na kau soli atu kiate koe, o pati : Tuku kese a ia.