1 Katiko. Pesalemo a Tavite.
E kau sua loa le Eteleno i loku mauli katoa, E kau fakafetai loa ki loku Atua i loku mauli katoa.
A Tavite. E kau fakamalo kiate koe i loku loto katoa, E kau sua ou fakafetai i mua o le Atua.
Ke fakasa e loku gutu le fakafetai o le Eteleno, Ti ke tapuaki tagata fuli ki lona suafa maokioki, I temi fuli o lee gato !
Koia e fiafia ai loku loto, ti e nekenekea loku laumalie, Ti e malolo loku tino i le fimalie.
Ti na ke fetogi aku tagi ki se fiafia lasi, Na ke tatala loku kofu mamae, kae na ke toi au ki le fiafia,
Pesalemo a Tavite. I lana fakatautau le tagata valea i mua o Apimeleke, ti mo lona kapu e Apimeleke, o ano ai.
Ki le pule o le kau sua. A Tavite. Pesalemo. Katiko.
E fakasa loa e loku gutu lou faitotonu, mo lou fakamauli i aso fuli, Talie e leaise kau iloa ola gatoaga.
Ke apele loku gutu i ou fakavikiviki, Ke fakakololia loku gutu kiate koe i aso fuli !
Ti na sua loa e Moisese mo fanau o Iselaele le katiko leinei ki le Eteleno. Na lotou pati loa : E kau sua loa ki le Eteleno, talie kua fakamapa e ia lona kololia ; Kua laku e ia ki le tai le osi mo le tagata ekeosi.
