Pesalemo 106:8 - Tosi Tapu

⁸ Kae na fakamauli loa e ia latou o tupu ko lona suafa, Ke fakasa ai lona mafimafi.

Pesalemo 106:8 ပူးပေါင်းရင်းမြစ်များ

Pesalemo 111:6

Na fakasa e ia ki lona kakai le makeke o ana gaoi, O soli kiate ia le tofiga o atu puleaga.

Pesalemo 143:11

O tupu ko lou suafa, Eteleno, toe soli mai le mauli kiate au ! I lou faitotonu, too loku laumalie i le mamae !

Pesalemo 23:3

E toe fakamakeke e ia loku laumalie. E taki e ia au i ala o le faitotonu, O tupu ko lona suafa.

Ekesote 15:6

Kua fakasa e lou lima atamai, ei Eteleno ! lona makeke ; Kua laliki e lou lima atamai, ei Eteleno ! le fili.

Ekesote 18:8

Na fakamatala loa e Moisese ki lona tamana a nea fuli ala na fai e le Eteleno kia Falaone mo Esipito o tupu ko Iselaele, a mamae fuli ala na soko kia latou i le ala, ti mo lolatou fakamauli e le Eteleno.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Esaia 48:9

Kae o tupu ko loku suafa, e kau taofi loku sausau kiate koe ; O tupu ko loku kololia, e kau taofi loku lima kiate koe, Ke aua na kau tuuti a koe.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Esekiele 20:14

Kae na kau toe fakapoipoi ki loku suafa, o tupu ke aua na fakalialia a ia i mua o puleaga ala na tio ki laku fakamavae latou i Esipito.

Esekiele 20:22

Kae na kau taofi loku lima, ti na kau gaoi o tupu ko loku suafa, ke aua na fakalialiai a ia i mua o puleaga ala na tio ki laku fakamavae latou i Esipito.

Esekiele 20:44

Ti e kotou iloa loa ko au ko le Eteleno, mo ka kau gaoi loa kia koutou, o tupu ko loku suafa, kae e leaise tupu ko akoutou agaveli ti mo akoutou gaoi fakalialia, ei fale o Iselaele ! e pati le Aliki, le Eteleno.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Loma 9:17

Talie na pati le Tosi kia Falaone : Na kau fakatupu ia fua a koe ke fakasa iate koe loku mafimafi, ti ke fakasa ia loku suafa i le malama nei katoa.

Sosue 4:24

Na fai e ia le nea lena ke iloa e kakai fuli o le malama nei e mafimafi le lima o le Eteleno, ti ke kotou fakaapaapa tuumau loa ki le Eteleno, lokoutou Atua.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.