Pesalemo 106:5 - Tosi Tapu

⁵ O tupu ke kau tio ki le manuia o lau kau filifiliia, Ti ke kau fiafia i le fiafia o lou kakai, Ti ke kau fakakololia mo lou tofiga !

Pesalemo 106:5 ပူးပေါင်းရင်းမြစ်များ

Lua tosi a Samuele 20:19

Ko le kolo leinei, ko se kolo e kau ki kolo tokamalie mo agatonu o Iselaele ; ti e ke afa ke ke tamate se kolo leia ko se tinana i Iselaele ! Kolea ka ke maumaui ai loa le tofiga o le Eteleno ?

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 105:43

Na fakamavae loa e ia lona kakai i le fiafia lasi, Lana kau filifiliia i loto malie o ni kalaga fakafiafia.

Pesalemo 105:6

Sakoga o Apalaamo, lana tagata fakasausau, Fanau o Sakopo, lana kau filifiliia !

Pesalemo 118:15

E malaga ni kalaga o le malo mo le fakamauli i falela o le kau agatonu : E fakasa e le lima atamai o le Eteleno lona mafimafi !

Pesalemo 14:7

Oi ! Ko ai ka aumai ia loa mei Sione le fakamauli ki Iselaele ? Io e toe aumai loa e le Eteleno le kau popula o lona kakai, E nofo loa Sakopo i le fiafia lasi, E fiafia loa Iselaele.

Pesalemo 48:11

Ofaipe lou suafa, ei Atua, E logo lou fakavikiviki o kaku ki potupotu o le malama nei ! E apele lou lima atamai i le faitotonu.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 66:10

Kotou fiafia mo Selusalemi, Kotou fai kiate ia le tupuaga o lolatou nekenekea, Koutou fuli ala e alofa kiate ia ; Kotou soposopo mo ia i le fiafia, Koutou fuli ala e mamae o tupu ko ia ;

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Tetelonome 7:6

Talie ko se kakai a koe leia kua fakatapui ki le Eteleno, lou Atua. Ti kua filifili a koe e le Eteleno, lou Atua, ke ke liliu ko se kakai alofaina kiate ia, i kakai fuli ala e maua i aluga o le kele.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.