Pesalemo 106:23 - Tosi Tapu

²³ Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 106:23 ပူးပေါင်းရင်းမြစ်များ

Sopo 35:8

E veli fai lau agasala ki le tagata leia e tatau mo koe ; Ti e aoga fai lou maokioki ki le vosa o le tagata.

Pesalemo 105:26

Na kakau loa e ia Moisese, lana tagata fakasausau, Ti mo Alone, leia na filifili e ia.

Pesalemo 105:6

Sakoga o Apalaamo, lana tagata fakasausau, Fanau o Sakopo, lana kau filifiliia !

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Esekiele 13:5

Na leaise kotou pale o tapono a pu o le paa, Na leaise kotou takatakai le fale o Iselaele ki se paa, Ke kotou tuu makeke i le tau, I le aso o le Eteleno.

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Numelo 16:5

Na masau loa a ia kia Kole mo lana kakai katoa, o pati : I le usu apogipogi, e fakasa loa e le Eteleno pe ko ai leia kua filifili e ia, pe ko ai leia kua fakanofo e ia ke fakafeofi kiate ia. E fakafeofi ake loa e ia kiate ia leia ka filifili loa e ia.

Mateo 12:18

Ko leinei laku tagata fakasausau leia na kau filifili, Loku alofaaga leia e fiafia ai loku loto. E kau tuku loa loku Laumalie kiate ia, Ti e fakasa loa e ia le faitotonu ki atu puleaga.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Tetelonome 10:10

Na kau nofo i le mauga ofaipe mua, i aso e kau fa mo po e kau fa. I le faiaga foki lena, na logo le Eteleno ki laku kole ti na fakafiti loa a ia ke maumaui koutou.

Tetelonome 9:19

Talie na kau i ai i laku tio ki le sausau leia kua nofo mo le Eteleno kia koutou, talie kua loto a ia ke maumaui e ia koutou. Kae na toe tali loa e le Eteleno laku tagi i le faiaga lena.

Tetelonome 9:25

Na kau punou loa o fakatuu oku mata ki le kele i mua o le Eteleno, ti na kau nofo loa o punou i le kele i aso e kau fa mo po e kau fa, o tupu na pati le Eteleno kua loto a ia ke maumaui e ia koutou.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.