Pesalemo 105:3 - Tosi Tapu

³ Kotou vikiviki ki lona suafa maokioki ! Ke fiafia a loto o latou ala e afa ia le Eteleno !

Pesalemo 105:3 ပူးပေါင်းရင်းမြစ်များ

Pesalemo 104:34

Ke logo malie aku masau kiate ia ! E kau loto ke kau fiafia i le Eteleno.

Pesalemo 34:2

E kau fakafetai loa ki le Eteleno i temi fuli ; E tuu mau loa lona fakavikiviki i loku gutu.

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 45:25

E maua loa e vosa o Iselaele Le faitotonu mo le kololia i le Eteleno.

Tagi laulau a Selemia 3:25

E agamalie le Eteleno ki leia e tuku lana amanaki malie kiate ia, Ki le laumalie leia e afa ia a ia.

Uluaki tosi ki le kau Kolinto 1:29

o tupu ke aua na fakakololia se tagata kiate ia totonu i mua o le Atua.

Uluaki tosi ki le kau Kolinto 1:31

ofaipe lona tuu i le tosi : Ko leia e fakakololia Ke fakakololia a ia i le Aliki.

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.