Pesalemo 104:2 - Tosi Tapu

² E kofu e ia le malama ofaipe se taupulupulu ; E folasi e ia le lagi ofaipe se falela.

Pesalemo 104:2 ပူးပေါင်းရင်းမြစ်များ

Sopo 36:30

Ko leinei, e fakamu e ia lona malama i ona tafatafa, Ti e mumuni a ia o kaku ki le takele o le tai.

Sopo 9:8

Ko ia toka tasi leia na folasi ia le lagi, Ti e saele a ia i aluga o galu o le tai.

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Taniela 7:9

Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Apakuki 3:4

Se faipe le gigila o le malama ; E mavae ni kave gigila i lona lima, I lena e nofo ai lona makeke.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Mateo 17:2

Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Uluaki tosi a Soane 1:5

Ko leinei le logo leia na motou maua meiate ia, ti e motou fakasa atu kia koutou : ko le Atua ko le malama, ti e leaise maua iate ia se fakapouli.