Pesalemo 103:22 - Tosi Tapu

²² Kotou fakafetai ki le Eteleno, koutou fuli ko ana gaoi, I potu fuli o lona pule Loku laumalie, fakafetai ki le Eteleno !

Pesalemo 103:22 ပူးပေါင်းရင်းမြစ်များ

Pesalemo 103:1

A Tavite. Loku laumalie, fakafetai ki le Eteleno ! Ko nea fuli iate au, ke fakafetai ki lona suafa maokioki !

Pesalemo 104:1

Loku laumalie, fakafetai ki le Eteleno ! Eteleno, loku Atua, e ke lasi ai ! E ke kofu ki le gigila mo le fulumalie !

Pesalemo 104:35

Ke pupuli le kau agasala i le malama nei, Ti ke aua na toe maua le kau agaveli ! Loku laumalie, fakamalo ki le Eteleno ! Kotou fakafetai ki le Eteleno !

Pesalemo 145:10

E fakafetai loa kiate koe au gaoiaga fuli, ei Eteleno ! Ti e tapuaki loa kiate koe lau kau agatonu.

Pesalemo 145:21

Ke fakasa e loku gutu le fakafetai o le Eteleno, Ti ke tapuaki tagata fuli ki lona suafa maokioki, I temi fuli o lee gato !

Pesalemo 146:1

Kotou fakafetai ki le Eteleno ! Loku laumalie, fakafetai ki le Eteleno !

Pesalemo 148:1

Kotou fakafetai ki le Eteleno ! Kotou fakafetai ki le Eteleno i aluga o atu lagi ! Kotou fakafetai kiate ia i potu taualuga !

Pesalemo 150:6

Ke fakafetai ki le Eteleno a nea fuli e tukumanava ! Kotou fakafetai ki le Eteleno !

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.