Pesalemo 103:19 - Tosi Tapu

¹⁹ Na fakatuu e le Eteleno lona ekeekeaga fakasau i le atu lagi, Ti e pule a ia ki nea fuli.

Pesalemo 103:19 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Uluaki tosi o Koloniko 29:12

Ko koe leia e au meiai le koloa mo le kololia, ko koe leia e pule ki nea fuli, ko lou lima leia e maua ai le makeke mo le mafimafi, ti ko lou lima leia e pule ki le siki mo le fakamakeke o leia e ke loto ki ai.

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 2:4

Ko leia e eke i le atu lagi e kata, Ti e gologolo le Aliki kia latou.

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 9:7

Kua pupuli a fili ! Ko maumau lee gato ata ! Na ke maumaui a kolo ! E leaise nea ke toe fakamanatu ai latou !…

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Epelo 8:1

Ko le puani tafito o le nea leia e tou masau ki ai : Kua tou maua se pule fai sakilifisio, leia kua eke i le fetuu atamai o le nofoaga sau o le agai o le Atua i le atu lagi,

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.