Pesalemo 103:13 - Tosi Tapu

¹³ Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Pesalemo 103:13 ပူးပေါင်းရင်းမြစ်များ

Pesalemo 103:11

Kae ofaipe le lagi e taualuga i le kele, E toe lasi foki lona agamalie kia latou ala e i kiate ia ;

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Taagapati 3:12

Talie e tautea e le Eteleno leia e alofa a ia ki ai, Ofaipe se tamana le fanau leia e alofa mamae a ia ki ai.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Levitiko 26:44

Kae, kapau e lotou nonofo loa i le fenua o olatou fili, e leaise kau tiaki oki loa latou, ti e leaise kau vesia oki loa kia latou o kaku ki laku fakapuli oki loa latou, o kaku ki laku tuuti oki loa laku sai kia latou ; talie ko au ko le Eteleno, ko lolatou Atua.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?

Mateo 6:32

Talie ko nea fuli ana e afa e le kau pagani, kae e iloa e lokoutou Tamana i Selo e lotou aoga kia koutou.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Tetelonome 3:5

Ko kolo ana na fakamakeke, ti na takatakai e ni kaua taualuga, ti na tapono ki ni matapa lokai. Na i ai foki ni kolo ala na leaise a, ti na lotou lasi ai.