Pesalemo 100:3 - Tosi Tapu

³ Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 100:3 ပူးပေါင်းရင်းမြစ်များ

Lua tosi o Sau 19:19

I le lakaga nei, Eteleno, lomatou Atua ! saofaki matou mei le lima o Sanekelipe, ti ke iloa e puleaga fuli o le kele, ko koe toka tasi ko le Atua, ei Eteleno !

Uluaki tosi o Koloniko 16:14

Ko le Eteleno ko lotatou Atua ; E fai ana fakamaau ki le malama nei katoa.

Sopo 10:3

Pe malie kiate koe le fakaveliveli mo le tiaki o leia na ke fakatupu ia, Kae ke fakamanuia a fakatuutuu a le kau agasala ?

Pesalemo 119:73

Ko ou lima na fakatupu ia au, na lotou fau au ; Soli mai kiate au le atamai, o tupu ke kau ako au folafola !

Pesalemo 12:4

Ke fakapuli e le Eteleno a laugutu fakalapulapu fuli, Mo le alelo leia e masau matasoka,

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 78:52

Kae na tuku loa e ia lona kakai ke ano ofaipe se kau ovi fafine, Na taki loa e ia latou i le toafa ofaipe se kau manu.

Pesalemo 79:13

Ti ko matou, ala ko lou kakai, ko le kau manu o lou lotoa, E motou fakafetai loa kiate koe o lee gato ; E motou fakasa loa ou fakavikiviki i tautupu mo tautupu.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Ekelesiasi 12:1

Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

Esaia 63:11

Ti na manatui loa e lona kakai a aso mago o Moisese. Kofea leia na fakamavae ia latou i le tai, Mo le tagata tausi o lana kau manu ? Kofea leia na tuku ia ki loto malie o latou lona Laumalie maokioki ;

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Esekiele 34:11

Talie e folafola le Aliki, le Eteleno, o pati : Ko leinei, e kau tokaga totonu loa ki aku ovi, ti e kau lau loa latou.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Uluaki tosi a Petelo 2:25

Talie na kotou faipe ni ovi sese. Kae i le temi nei, kua kotou toe liliu ki le Tagata tausi ovi, ki le Tagata leoleo o okoutou laumalie.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Petelo 4:19

Koia, ko latou ala e mamae o mulimuli ki le finegalo o le Atua, ke lotou tuku lolatou laumalie ki le Tupuaga leia e agatonu ki ana fakapapau, o fai le nea leia e malie.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.