Pesalemo 100:2 - Tosi Tapu

² Kotou fakasausau ki le Eteleno i le fiafia, Kotou au ki lona agaiaga i se fiafia lasi !

Pesalemo 100:2 ပူးပေါင်းရင်းမြစ်များ

Uluaki tosi o Sau 8:66

I le valu o aso, na kakau loa e Salomone le kakai ; ti na lotou tapuaki loa ki le sau, ti na lotou tasi ano loa ki lona falela i le loto nekenekea mo le loto fiafia o tupu ko nea malilie fuli ala kua fai e le Eteleno kia Tavite, lana tagata fakasausau, ti mo Iselaele, lona kakai.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Lua tosi o Koloniko 31:2

Na toe fakatuu loa e Esekiasi a lakaga o le kau tagata faisakilifisio mo le kau Levi o mulimuli ki olatou vaevae ti mo alatou gaoi taki toka tasi, le kau tagata faisakilifisio mo le kau Levi, ki failaulau mo sakilifisio fakafetai, ki le tausi, ki sua mo fakavikiviki, i matapa o le sagatualio o le Eteleno.

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 71:23

E fiafia lasi loa oku laugutu i le sua kiate koe, Mo loku laumalie leia na ke saofaki.

Pesalemo 95:2

Tou ano ki ona mua mo ni fakavikiviki, Tou fakagugulu ni katiko ki lona mauiga !

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Tetelonome 28:47

O tupu na leaise ke tausi ki le Eteleno, lou Atua, i le loto fiafia mo le loto alofa, i le temi leia na ke maua lasi ai a nea fuli ana,

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.