Pesalemo 10:5 - Tosi Tapu

⁵ E manuia ona ala i temi fuli ; E leaise kaku kiate ia au fakamaau, Ti e pusii e ia latou fuli ala e fakafesagai kiate ia.

Pesalemo 10:5 ပူးပေါင်းရင်းမြစ်များ

Senesi 6:12

Na tio loa le Atua ki le malama nei, ti ko leinei, kua veli ai a ia ; talie kua fakalialia a ala o tagata fuli i le malama nei.

Lua tosi a Samuele 5:6

Na saele loa le sau mo lana solia ki Selusalemi ki le kau Sepusi, le kakai o le fenua. Na lotou pati loa kia Tavite : E leaise ke ulu loa ki leinei, talie e kapu loa a koe e le kau kivi mo le kau kito ! Ko lona uiga : E leaise ulu loa Tavite ki leinei.

Uluaki tosi o Sau 20:13

Kae ko leinei, na fakafeofi ake loa se polofeta kia Akapo, sau o Iselaele, o pati kiate ia : Ko leinei le folafola a le Eteleno : Pe kua ke tio ki le kakai api lena ? E kau tuku atu loa latou ki ou lima i le aso nei, ti e ke iloa loa ko au ko le Eteleno.

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 73:3

O tupu na kau fua ki le kau vale, I laku tio ki le manuia o le kau agaveli.

Taagapati 1:19

E soko le nea lena ki tagata fuli e manumanu koloa : E fakatupu e le manumanu le puli o latou ala e tuku ia latou ki ai.

Taagapati 15:24

Ki le tagata poto, ko le ala o le mauli e taki ia ki aluga, O tupu ke mamao a ia i le nofoaga o le kau mate leia e tuu i lalo.

Taagapati 2:13

Ia latou ala e tiaki ia a ala o le maoki, O tupu ke saele i ni ala fakapouli,

Taagapati 2:15

Ala e mulimuli i ni ala o le kaka, Ala e saele i ni ala pikopiko ;

Taagapati 24:1

Aua na ke fuaa ki le kau agaveli, Ti aua na ke oli ke ke kau mo latou ;

Esaia 10:1

Malaia kia latou ala e tuku ia ni fakatotonu veli, Ti mo latou ala e tosi ia ni lao sala,

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 42:25

Koia na liligi ai e ia ki Iselaele le vevela o lona ita, Ti mo le makeke o le tau ; Ti na tutu a ia e le tau mei potu fuli, kae na leaise matala fua a ia ; Na vela a ia i le tau, kae na leaise tokaga fua a ia ki ai.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Loma 3:16

E nofo le maumau mo le malaia i olotou ala,

Tuifakamaau 9:27

Na lotou ano loa ki faisaga vite o le kakai o Siseme, o tau a fuai vite o tatau, ti na lotou fai loa ni fakafiafia. Na lotou ulu loa ki le fale tapu o lolatou atua, o kai mo inu i ai, ti na lotou fai loa ni masau fakaveli kia Apimeleke.

Tuifakamaau 9:38

Na tali loa Sepule : Kofea foki au masau malilie ? Na ke pati mai kia matou : Ko ai Apimeleke, ke motou fakasausau ai kiate ia ? Pe se ko le kakai lena na ke aga o katai ? Ano la i le temi nei o tau kiate ia !