Pesalemo 10:17 - Tosi Tapu

¹⁷ Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 10:17 ပူးပေါင်းရင်းမြစ်များ

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Lua tosi o Koloniko 29:36

Na fiafia loa a Esekiasi mo le kakai katoa, o tupu na teuteui e le Atua lona kakai, talie na soko fakapunamauli le nea lena.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Pesalemo 102:17

Io, e toe laga loa e le Eteleno a Sione, E sa loa a ia i lona kololia.

Pesalemo 145:19

E fakasoko e ia a oli o latou ala e i kiate ia ; E logo a ia ki alatou tagi, ti e fakamauli e ia latou.

Pesalemo 34:15

Ke ke fakamamao i le veli, ti ke ke fai le nea leia e malie. Ke ke afa le tokamalie, ti ke ke tuli a ia.

Pesalemo 37:4

Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Pesalemo 9:12

Kotou sua ki le Eteleno, leia e nofo i Sione ; Kotou fakasa ana gaoi i lotolotoga o atu puleaga !

Pesalemo 9:18

E maliu le kau agaveli ki le nofoaga o le kau mate, Ti mo puleaga fuli ala e galoi ia le Atua.

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 16:1

Ko fakatuutuu ala e fai e le loto e fakalogo ki le tagata, Kae ko le tali leia e tuku e le gutu e au mei le Eteleno.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Loma 8:26

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 3:12

iate ia e tou maua ai, i le tui kiate ia, le lauatea ke tou fakafeofi ai ki le Atua i le fanaki.

Sakopo 4:10

Kotou fakataulalo i mua o le Aliki, ti e siki loa e ia koutou ki aluga.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 3:12

Talie e tuku a mata o le Aliki ki le kau agatonu, Ti e tokaga ona taliga ki lalatou kole, Kae e sausau a mata o le Aliki kia latou ala e fai ia le veli.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.