Pesalemo 10:16 - Tosi Tapu

¹⁶ E sau le Eteleno i tautupu mo tautupu, o lee gato ; E too loa a atu puleaga pagani i lona fenua.

Pesalemo 10:16 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Pesalemo 145:13

Ko lau pule ko se pule i sekulo fuli, Ko lou makeke e lau i tautupu fuli.

Pesalemo 146:10

E pule le Eteleno o lee gato. Ko lou Atua, ei Sione ! i tautupu ki tautupu ; Kotou fakafetai ki le Eteleno !

Pesalemo 29:10

Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Pesalemo 9:15

O tupu ke kau fakasa ou fakavikiviki fuli I matapa o le taine o Sione, Ti ke kau fiafia ki lou fakamauli.

Pesalemo 9:5

Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Pesalemo 9:8

E pule le Eteleno o lee gato, Kua fakatuu e ia lona ekeekeaga fakasau ki le fakamaau ;

Pesalemo 93:1

E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

Ekesote 15:18

E sau loa le Eteleno o lee gato !

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Tagi laulau a Selemia 5:19

Ko koe, Eteleno, e ke pule o lee gato ; E tuu lou ekeekeaga fakasau i le tautupu ki le tautupu.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !