Pesalemo 10:14 - Tosi Tapu

¹⁴ Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 10:14 ပူးပေါင်းရင်းမြစ်များ

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 31:12

Na pati loa a ia : Tio ou mata : E pulepule mo safesafe a ovi tagata fuli ana na ano ki ovi fafine ; talie na kau tio ki nea fuli ala na fai e Lapane kiate koe.

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Sau 9:26

Na pati loa le Eteleno : Na kau tio nanafi ki le toto o Napote mo le toto o ona vosa, ti e kau liufaki atu loa kiate koe le nea lena, i le faisaga fai leinei. Too a ia, o ti ki le faisaga, o mulimuli ki le folafola a le Eteleno.

Lua tosi o Koloniko 24:22

Na leaise manatui loa e le sau ko Soasi le agamalie kiate ia o Seosata, tamana o Sakalia, kae na tamate loa e ia le vosa o Seosata. Na pati loa Sakalia i lona mate : Ke tio le Eteleno, ti ke totogi e ia !

Lua tosi o Koloniko 6:23

ke ke fakalogo kiate ia mei lagi, ke ke gaoi ti ke ke fakamaaui au tagata fakasausau ; ke ke fakatuaa leia e sala ti ke ke fakavilo lana agasala ki lona fa ulu ; kae ke ke fakamauli leia e mea, ti ke ke fai kiate ia o mulimuli ki lona faitotonu !

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Pesalemo 22:11

Talu mei le manava o loku tinana, na ke taupau au ; Talu mei le manava o loku tinana, na ke liliu ko loku Atua.

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Pesalemo 35:22

Eteleno, e ke tio ki ai ! aua na ke nofo fakalologo ! Aliki, aua na ke fakamamao iate au !

Pesalemo 55:22

E sua malie ake lona gutu i le suka, Kae nofo le tau i lona loto ; E momole ake ana masau i le lolo, Kae ko ni seleta matakakai latou.

Pesalemo 68:5

Kotou sua ki le Atua ! kotou fakafetai ki lona suafa ! Kotou tofa le ala ki leia e saele mai i le toafa ! Ko le Eteleno lona suafa : Kotou fiafia i ona mua !

Pesalemo 68:6

Ko le tamana o fanau sala matua, ko le tausi o fafine sala avaga, Ko le Atua i lona nofoaga maokioki.

Ekesote 2:25

Na tio loa le Atua ki fanau a Iselaele, ti na aloalofa loa a ia kia latou.

Ekesote 22:22

Aua na ke fai fakaveliveli loa le fafine leia kua mate lona avaga, pe ko le toe leia kua sala matua.

Ekesote 22:26

Kapau e ke too loa le kofu o lou oloi ko se nea fakamaoki, e tonu loa ke ke fakaliliu a ia kiate ia i mua o le galo o le laa ;

Taagapati 15:25

E soloi e le Eteleno le fale o le kau fia nealasi, Kae e fakamakeke e ia a koiga o le fafine lokonui.

Taagapati 15:3

E ave a mata o le Eteleno i potu fuli, ke tio ki le kau agaveli mo le kau agamalie.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Selemia 16:17

Talie e tokaga oku mata ki olatou ala fuli, E leaise munia olatou ala i oku mua, Ti e leaise puli alatou agaveli ki oku mata.

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Selemia 49:11

Tuku au fanau sala matua, e kau fakamauli loa latou, Ti ke fanaki au fafine lokonui kiate au !

Selemia 51:56

Io, kua oso le tagata maumau kiate ia, ki Papilone ; Kua too a tagata tau o Papilone, Kua fatifati alatou kalolo. Talie ko le Eteleno ko se Atua e totogi ia ki le tagata taki toka tasi o mulimuli ki ana gaoi, Ti e soli ia ki le tagata taki toka tasi lona totogi.

Tagi laulau a Selemia 3:59

Eteleno, kua ke tio ki loku fakamamae : Tuku mai kiate au o mulimuli ki loku faitotonu !

Tagi laulau a Selemia 3:60

Na ke tio ki nea veveli fuli ala na lotou fai kiate au, Mo nea fuli ala e lotou Fakakaukau kiate au.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Tetelonome 10:18

E fakamaaui e ia i le faitotonu le fanau sala matua mo le fafine sala avaga. E alofa a ia ki le matapule leia e nofo i lou fenua, o soli kiate ia le nea kai mo le nea lava.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Uluaki tosi a Petelo 4:19

Koia, ko latou ala e mamae o mulimuli ki le finegalo o le Atua, ke lotou tuku lolatou laumalie ki le Tupuaga leia e agatonu ki ana fakapapau, o fai le nea leia e malie.

Uluaki tosi a Petelo 5:7

ti ke kotou teki kiate ia okoutou mafaia fuli, talie e tokaga a ia kia koutou.

Tuifakamaau 1:7

Na pati loa Atoni-Peseki : na tae e sau e tino fitu, ala na tutuuti a maikao matua o olatou lima mo olatou vae, a toega kai i lalo o loku laupapa kai : Kua toe liufaki loa e le Atua kiate au le nea leia na kau aga o fai. Na ave loa le sau ki Selusalemi, ti na mate loa a ia i ai.