Pesalemo 1:6 - Tosi Tapu

⁶ Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 1:6 ပူးပေါင်းရင်းမြစ်များ

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Pesalemo 112:10

E tio ki ai le tagata agaveli, ti e itaita a ia ; E gugu e ia ona nifo, ti e okioki a ia ; E pupuli noa a oli o le kau agaveli.

Pesalemo 142:3

E kau liligi laku tagi i ona mua, E kau fakamatala loku mamae kiate ia.

Pesalemo 142:4

Ka mamae loku laumalie i loku loto, Ko koe, e ke iloa loku ala. I le ala leia e kau saele ai Na lotou fai se masele kiate au.

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Pesalemo 9:6

E ke tautea a atu puleaga, ti e ke maumaui le tagata agaveli ; E ke soloi olatou igoa o lee gato mo lee gato.

Taagapati 14:12

E feala ke totonu se ala ki mata o se tagata, Kae ko lona tauaga ko le ala o le mate.

Taagapati 15:9

E fakalialia le Eteleno ki le ala o le tagata agaveli, Kae e alofa a ia ki le tagata leia e muli i le maokioki.

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Mateo 7:13

Kotou ulu i le matapa lau ikiiki. Talie e lau lasi le matapa, ti e lau lasi mo le ala leia e ano ki le maumau, ti e toka api latou ala e ulu i ai.

Soane 10:14

E kau iloa aku ovi, ti e lotou iloa au,

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Lua tosi a Petelo 2:12

Kae ko latou ana, ofaipe ni manu fekai ala e mulimuli fai ki oli o lolatou natula ti na fakatupu ke maumaui, e lauveli ki nea ala e leaise lotou iloa, ti e lotou pulinoa loa o tupu ko alatou aga fakalialia totonu,

Uluaki tosi a Samuele 2:9

E taupau loa e ia a lakaaga o ona alofaaga. Kae e tuku loa e ia le kau agaveli ki le fakapouli ; Talie e leaise malo loa le tagata ki le makeke.