Pesalemo 1:3 - Tosi Tapu

³ E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 1:3 ပူးပေါင်းရင်းမြစ်များ

Senesi 39:23

Na leaise toe tokaga loa le pule o le fale pilisoni ki nea ala kua tuku ki lima o Sosefo, talie na nofo le Eteleno mo ia. Ti na fakamanuia loa e le Eteleno a nea fuli ala na fai e ia.

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Lua tosi o Sau 18:7

Ti na nofo loa le Eteleno mo Esekiasi, leia na manuia i ana gaoi fuli. Na tiaki e ia le sau o Asilia, o leaise toe popula a ia kiate ia.

Uluaki tosi o Koloniko 22:11

I le lakaga nei, ei loku vosa, ke nofo le Eteleno mo koe, o tupu ke manuia au gaoi ti ke ke fakatuu le fale o le Eteleno, lou Atua, ofaipe le nea leia na fakasa e ia o uiga mo koe !

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Lua tosi o Koloniko 31:21

Na gaoi loa a ia i lona loto katoa, ti na manuia loa a ia i nea fuli ala na fai e ia, i lana aga o afa lona Atua o uiga mo le tausi o le fale o le Atua, mo le lao, ti mo fakatotonu.

Lua tosi o Koloniko 32:23

Na aumai loa e se kakai toka api ni moliga ki le Eteleno ki Selusalemi, ti mo ni nea alofa mauiga kia Esekiasi, sau o Suta, leia na kamata siki ake loa mei ai ki aluga i mua o puleaga fuli.

Sopo 14:9

E toe sesega a ia mo ka i ai se vai, Ti e toe sosomo ni laa ofaipe se laakau koi muli.

Sopo 22:28

E manuia loa a nea fuli ala e ke loto ki ai ; Ti e mu loa le malama i ou ala.

Pesalemo 128:2

Talie e ke kai loa ki le gaoi o ou lima : E ke manuia, e ke tupu lou manuia.

Pesalemo 129:8

Ti e leaise pati fua latou ala e fakalaka : Ke nofo le tapuakina a le Eteleno ia koutou ! E motou tapuaki koutou i le suafa o le Eteleno !

Pesalemo 92:14

Na to latou i le fale o le Eteleno, E lotou fua o lasi i lotoa o lotatou Atua ;

Pesalemo 92:15

E lotou toe maua ia foki ni fua i lolatou temi matua, E lotou apele i le mauli ti e lotou sesega malie,

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 44:4

E lotou sosomo loa ofaipe i loto malie o se mutie, Ofaipe ni sole i tafa o ni tafeaga vai.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Selemia 17:8

E fai a ia pe se laakau na to i tafa o se tafeaga vai, Leia e falo ia ona aka ki le tafe ; E leaise iloa e ia le vevela mo ka au a ia, Ti e sesega tuumau lona lau. I le fetuu o le taulaa, e leaise tuania e ia se nea, Ti e leaise toe gato lona fua.

Esekiele 17:8

Na to le vite lena i se kele malie, i tafa o se vai lasi, o tupu ke tupu ai ni ona laa mo ni ona fua, ti ke liliu a ia ko se vite fulumalie.

Esekiele 19:10

Ko lou tinana, ofaipe koe, na tatau mo se vite, Leia na to i tafa o ni vai. Na fua a ia ti na lasi ona laa, O tupu ko le lasi o vai.

Esekiele 31:5

Koia leia e malaga ai lona kuaga o taualuga i laakau fuli o faisaga, Na liuliuga ona laa, na mafolafola ona taulu, O tupu ko le lasi o le vai leia na fakavai ia a ia.

Esekiele 47:12

I laugutu o le vaitafe e sosomo ai loa a laakau fua kesekese. Ti e leaise toe gini loa olatou lau ti e leaise toe gato loa lalatou fua. E leleu loa a fua o laakau i masina fuli, talie e fakavai loa latou e le vai leia e ifo i le fale tapu. Ti e kai loa a fua o laakau, kae faitoo loa ki olatou lau.

Numelo 24:6

E lotou mafolafola ofaipe ni vaivailiua, Ofaipe ni oloto e ofi ki se vaitafe, Ofaipe ni aloese na to e le Eteleno, Ofaipe ni sete i tafa o se vai.

Mateo 13:6

kae i le sa ake o le laa, na masunu loa a ia, o malo talie na leai ni ona aka.

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Mateo 21:41

Na lotou tali loa kia Sesu : E tamate fakaveliveli loa e ia a tagata itaita ana, kae toe lue loa e ia le vite ki ni iki ake tagata faivite, ala e soli ia loa kiate ia le fua o le vite i le temi o le fuata.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Tetelonome 28:8

E kakau loa e le Eteleno le tapuakina ke nofo mo koe i ou fata mo au gaoi. E tapuaki loa a ia kiate koe i le fenua leia e soli atu loa kiate koe e le Eteleno, lou Atua.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Apokalipisi 22:2

ti na tafe i loto malie o le ala lasi o le kolo. I ona kauvai e lua na tuu ai le laakau o le mauli, leia na fua tua kau agafulu tupu lua i le fetuu, o tua tasi i le masina ; ti na fakaaoga ona lau ki le fakamauli o atu puleaga.