Pesalemo 1:2 - Tosi Tapu

² Kae e maua lona fiafia i le lao a le Eteleno, Ti e metitasio ki ai i le ao mo le pouli !

Pesalemo 1:2 ပူးပေါင်းရင်းမြစ်များ

Senesi 24:63

I se afiafi leia na ano ai loa Isaake o metitasio i faisaga, na siki ake loa ona mata, ti na tio loa a ia : ko leinei e kaku ake ni kamelo.

Esetalasi 7:10

Talie na tokaga fakamalotoloto Esetalasi o ako mo fai le lao a le Eteleno, ti mo ako ki le kakai o Iselaele a folafola mo lekula o le lao lena.

Sopo 23:12

Na leaise kau tiaki a lao o ona laugutu ; Na kau peluki loku loto ki folafola o lona gutu.

Pesalemo 104:34

Ke logo malie aku masau kiate ia ! E kau loto ke kau fiafia i le Eteleno.

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 119:1

Manuia latou ala e saosaoa i lolatou ala Ala e saele o mulimuli ki le lao a le Eteleno !

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:35

Taki au i le ala o au fakatotonu, Talie e kau alofa ki ai.

Pesalemo 119:72

E malie ake kiate au le lao o lou gutu I ni nea aulo mo paaga e afe.

Pesalemo 119:92

Ka na leaise kau maua oku fiafia i au lao, Na kau mate loa i loku mamae.

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Loma 7:22

Talie e kau maua loku fiafia i le lao a le Atua i loku loto totonu ;

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi kia Timoteo 4:15

Fakamalotoloto ki nea ana, ti ke soli a koe katoa kia latou, o tupu ke tio tagata fuli ki lau saele ki mua.

Lua tosi kia Timoteo 1:3

E kau fakafetai ki le Atua, leia na tausi e oku tamana i mua, leia e kau tausi i se atamai mea, e kau manatui tuumau a koe i aku faikole i le po mo le ao ;

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Uluaki tosi a Soane 5:3

Talie ko leinei le alofa ki le Atua, ko le fai o ana fakatotonu ; ti e leaise faigataa ana fakatotonu kia tatou,