Pesalemo 1:1 - Tosi Tapu

¹ Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

Pesalemo 1:1 ပူးပေါင်းရင်းမြစ်များ

Senesi 49:6

Ke aua na kau loku laumalie ki ala fono fakafufu. Ke aua na fakatasi loku laumalie ki ala fakatasiga, talie na la tamate ni tagata i lola ita, Ti na la tutuuti a vae o pipi i lola agaveli.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Lua tosi o Koloniko 22:3

Na saele loa a ia i le ala o le fale o Akapo, o tupu na soli e lona tinana kiate ia ni tokoi veveli.

Sopo 10:3

Pe malie kiate koe le fakaveliveli mo le tiaki o leia na ke fakatupu ia, Kae ke fakamanuia a fakatuutuu a le kau agasala ?

Sopo 21:16

Kolea koia ! pe leaise lotou maua i olatou lima le manuia ? Ke mamao atu iate au a fakakaukau a le kau agaveli !

Sopo 31:5

Kapau na kau saele i le loi, Ti kapau na makape loku vae i le kaka,

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 119:115

Kotou fakamamao atu iate au, kau agaveli, O tupu ke kau tausi a folafola o loku Atua !

Pesalemo 144:15

Manuia le kakai leia e fenaaki ! Manuia le kakai leia e Atua ki le Eteleno !

Pesalemo 146:5

Manuia le tagata leia e maua ia lona tokoi i le Atua o Sakopo, Leia e tuku ia lana amanaki malie ki le Eteleno, lona Atua !

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 26:12

E tuu makeke loku vae i le maoki : E kau fakafetai loa ki le Eteleno i atu fakatasiga.

Pesalemo 34:8

E nofo le aselo o le Eteleno o takatakai latou ala e i kiate ia, Ti e taaki e ia latou i le tutamaki.

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 64:2

Ei Atua, fakalogo mai ki loku leo, mo ka kau tagi ! Puipui loku mauli i le fili leia e kau i ki ai !

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Taagapati 1:15

Ei loku vosa, aua na ke ano i ala mo latou ; Maliu lou vae i lolatou ala ;

Taagapati 1:22

Ei kau vale, e kaku loa kiafea lakotou oli ki le valea ? E kaku loa kiafea le fiafia a le kau fakagologolo i le gologolo ? E kaku loa kiafea le vesia a le kau vale ki le poto ?

Taagapati 13:15

E tupu mei le fakakaukau malie le kalasia, Kae e faigataa le ala o le kau agaveli.

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Taagapati 19:29

E teuteu ni tautea ki le kau fia nealasi, Ti e teuteu le laakau ki le tua o le kau vale.

Taagapati 2:12

Ke saofaki a koe i le ala o le veli, I le tagata leia e fai ia ni masau veli,

Taagapati 3:34

E gologolo a ia kia latou ala e gologolo kiate ia, Kae e soli e ia le kalasia kia latou ala e agamalu.

Taagapati 4:19

Ko le ala o le kau agaveli e faipe le fakapouli ; E leaise lotou tio ki le nea leia e fakavilo ia loa latou.

Taagapati 9:12

Kapau e ke poto, e ke maua loa le fua o lou poto ; Ti kapau e ke gologolo, ti e ke amo loa lona veli e koe toka tasi.

Selemia 15:17

Na leaise kau tonatona fua i le fakatasi a le kau gologolo, o tupu ke kau fakafiafia mo latou ; Kae na kau tonatona toka tasi, o tupu ko lou mafimafi, Talie na fakaapele au ki lou sausau.

Selemia 17:7

Manuia le tagata leia e fanaki ki le Eteleno, Ti ko lona amanaki malie ko le Eteleno !

Esekiele 20:18

Na kau pati loa ki olatou vosa i le toafa : Aua na kotou mulimuli ki lekula o okoutou tamana, ti aua na kotou taupau alatou agai fenua, ti aua na kotou fakakelekele koutou ki olatou taulaatua !

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 23:51

ti na leaise kau a ia ki le nea leia na fakatuutuu ti mo fai e la ake tagata o le fono lasi. Na au a ia mei le kolo o le kau Sutea ko Alimatea, ti na talitali a ia ki le puleaga o le Atua.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 20:29

Talie kua ke tio kiate au, kua ke tui ai. Manuia latou ala na leaise tio, ti na tui !

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Efeso 6:13

Koia, ke kotou too a masafu tau fuli a le Atua, o tupu ke mafai lakotou tuu i le aso veli, ti mo lakotou tuu makeke mo ka oki lakotou malo i nea fuli.

Tetelonome 14:6

E feala loa ke ke kai a manu fuli ala maua ia ni taga vae paisi lua ti e kai lulua.

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !