Oseo 9:9 - Tosi Tapu

⁹ Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Oseo 9:9 ပူးပေါင်းရင်းမြစ်များ

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Esekiele 21:28

Kae na pati le kakai o Selusalemi e leaise aoga o le nea lena talie kua puipui latou e se fakapapau. Kae na manatui e le sau o Papilone lalatou agatuu, o fakasa kia latou e ave loa latou o popula.

Oseo 10:9

Iselaele, na ke agasala talu mei aso o Kipea ! I ai na lotou tutuu loa i aluga. Na leaise kaku loa kia latou le tau ki le kau agaveli i Kipea.

Oseo 4:9

E tatau loa ki le tagata faisakilifisio mo le kakai : E kau tautea loa a ia o mulimuli ki ona ala, E kau totogi loa kiate ia o mulimuli ki ana gaoi.

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:8

Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Sofoni 3:7

Na kau pati : Kapau fua na ke fia fakaapaapa kiate au, O tokaga ki laku fakatotonu, E leaise maumaui loa lou nofoaga, Ti e leaise soko loa tautea fuli ala na kau fakatuutuu kiate koe ! Kae na lotou fakatavili o fakakelekele alatou gaoi.

Tuifakamaau 19:12

Na tali loa lona pule kiate ia : E leaise tou ulu loa ki se kolo o ni kakai matapule, ala e leaise nonofo ai ni fanau a Iselaele, e tou ano loa o kaku ki Kipea.

Tuifakamaau 19:16

Ti ko leinei, na liliu mai loa se matua i le afiafi, mei lana gaoi i faisaga ; ko le tagata lena mei le mauga o Efalaimi, na nofo a ia i Kipea, ti ko le kakai o le kolo ko le kau Pesamino.

Tuifakamaau 19:22

I le lolotoga o lolatou taupau mauli, ko leinei, kua takatakai loa le fale e ni tagata o le kolo, ni tagata veli, ti kua lotou ta loa le matapa. Na lotou pati loa ki le matua, pule o le fale : Ke ke fakaulu mai ki fafo le tagata leia na ke aga o tali i lou fale, e motou fia iloa a ia.

Tuifakamaau 20:43

Na lotou takatakai loa Pesamino, o lotou tuli a ia, o lotou tamate a ia i le temi leia e manavanava ai, o kaku ki mua o Kipea i le fetuu esite.