Oseo 9:8 - Tosi Tapu

⁸ Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Oseo 9:8 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:1

Na sili loa ni aso mauke ai, ti na tuku loa le folafola a le Eteleno kia Elia, i le tolu o fetuu : Ano, ti ke tuu i mua o Akapo, ti e kau fakato loa se ua ki le kele.

Uluaki tosi o Sau 18:19

Ko leinei, fakatotonu ke fakatasi Iselaele katoa ki oku mua, i le mauga o Kalemelo, ti mo le kau polofeta a Paale ko tino lelau e fa mo le tino lima, ti mo le kau polofeta a Asetalate ko tino lelau e fa, ala e kakai i le laupapa o Sesapele.

Uluaki tosi o Sau 22:11

Na fai e Setesiasi, vosa o Kenaana, ni tala ukamea kiate ia, ti na pati loa a ia : Ko leinei le folafola a le Eteleno : E ke taai loa ki tala anei le kau Silia, ti e ke maumaui loa latou.

Uluaki tosi o Sau 22:22

Na tali loa a ia : E kau ano loa, ti e kau liliu loa ko se laumalie o le loi i gutu o lana kau polofeta fuli. Na pati loa le Eteleno : Ke ke fakalotoi loa a ia, talie e ke malo loa iate ia ; ano, ti ke fai fenaaki !

Uluaki tosi o Sau 22:28

Ti na tali loa Mikea : Kapau e ke toe liliu mai i le tokamalie, ti na leaise masau le Eteleno iate au. Na toe pati loa a ia : Ke kotou logo fuli, koutou ko kakai !

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Lua tosi o Sau 13:21

Ti na soko loa i le temi leia na tanu ai se mate, ko leinei, na tio loa ki se kau solia o le solia a Moape, ti na ti loa le mate ki le tanuma o Eliseo. Na ano loa le mate o lave ki ivi o Eliseo, ti na toe mauli loa a ia, o tuu ki aluga i ona vae.

Lua tosi o Sau 2:14

na too loa e ia le taupulupulu leia na fakavilo e Elia, ti na taai loa e ia ki ai le vai, o pati : Kofea le Eteleno, le Atua o Elia ? Ti na toe taai foki e ia le vai o le vaitafe, ti na mavaelua loa le vai, ti na fakalaka loa a ia.

Lua tosi o Sau 2:21

Na ano loa Eliseo ki le matapuna o le vai, ti na laku loa e ia ki ai le patai, o pati : Ko leinei le folafola a le Eteleno : E kau fakamauli le vai leinei, ti e leaise toe maua loa mei ai le mate mo le paa.

Lua tosi o Sau 4:41

Na pati loa Eliseo : Kotou too se ga falina. Ti na ti loa e ia se ga falina ki le kulo, o pati : Ke tufa ki le kakai leinei ti ke lotou kai. Ti na leaise toe maua loa se kona i le supa.

Lua tosi o Sau 4:43

Na tali loa lana tagata fakasausau : E fefeaki loa laku aga o tufa ke tofu ai le tino lelau leinei ? Kae na pati loa Eliseo : Soli ki le kakai lena, ti ke lotou kai ; talie ko leinei le folafola a le Eteleno : E kai loa, ti e toe foki.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Lua tosi o Sau 5:27

E pipiki loa le kilia o Naamane kiate koe mo lou sakoga o lee gato. Ti na mavae loa Keasi meia Eliseo mo se kilia kua tea ofaipe le nive.

Lua tosi o Sau 7:19

Ti na tali loa le ofisa ki le tagata a le Atua : Pe fai foki e le Eteleno ni katupa i le lagi ke laku mai ai ni fulumeto, pe soko loa se nea felaaki ? Ti na pati loa Eliseo : E ke tio mata loa ki ai, kae e leaise ke kai loa ki ai.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Pesalemo 124:7

Na sola lotatou laumalie ofaipe le manu lele i le kupega o le tagata faimasele ; Na motu le kupega, ti na motou sosola.

Ekelesiasi 9:12

E leaise iloa foki e le tagata lona lakaga, ofaipe ni ika ala kua piki mamate i le kupega, mo ni manu lele ala kua piki i le masele ; e pikiia foki a vosa o le tagata i le aso o le malaia, mo ka vilo fakapunamauli a ia kia latou.

Katiko o Katiko 3:3

Na maua au e kau leo ala e feanoaki i le kolo : Pe na kotou tio ki leia e alofa ki ai loku loto ?

Esaia 62:6

I aluga o ou paa, Selusalemi, na kau fakanofo ni kau tagata leo ; E leaise lotou fakalologo loa i le ao mo le pouli. Koutou ala e fakamanatu ia a ia ki le Eteleno, E leaise malolo kia koutou !

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 14:13

Na kau tali loa : Ei Aliki Eteleno ! Ko leinei, e pati le kau polofeta kia latou : E leaise kotou tio loa ki se seleta, E leaise kotou iloa loa se oge, Kae e kau tuku atu loa kia koutou se tokamalie maoki i le ganea leinei.

Selemia 23:13

Kua kau tio ki le fakavalevale i le kau polofeta o Samalia ; Kua lotou kikite i le igoa o Paale, Kua lotou fakasese loku kakai ko Iselaele.

Selemia 31:6

Talie e soko mai loa le aso leia e kalaga ai loa le kau leo i le mauga o Efalaimi : Kotou tutuu mai ke tou pale ki Sione, ki le Eteleno, lotatou Atua !

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 6:17

Na kau tuku ki okoutou tafa ni tagata leo : Kotou tokaga ki le tagi o le fakatagi pupusi ! Kae e lotou tali : E leaise motou tokaga loa ki ai.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Tagi laulau a Selemia 4:13

Ko lena le fua o agasala o ona polofeta, Mo agaveli o ona tagata faisakilifisio, Ala na liligi ia i loto malie o ona Le toto o le kau agatonu !

Esekiele 3:17

Vosa o le tagata, e kau fakanofo loa a koe ko le tagata leo ki le fale o Iselaele. E ke fakalogo loa ki le folafola leia e vilo atu loa i loku gutu, ti e ke fakasa loa kia latou aku valoki.

Esekiele 33:7

Ti ko koe, vosa o le tagata, na kau fakanofo a koe ko le tagata leo i le fale o Iselaele. E tonu ke ke fakalogo ki le folafola leia e mavae atu i loku gutu, ti ke ke valoki latou.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Mikea 7:4

Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Loma 3:7

Ti kapau, i laku loi, e toe sa lasi ake ai le maoki o le Atua mo lona kololia, kolea koi fakamaaui ai au ofaipe se tagata agasala ?

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.