Oseo 9:7 - Tosi Tapu

⁷ Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Oseo 9:7 ပူးပေါင်းရင်းမြစ်များ

Lua tosi o Sau 9:11

I le ulu ake loa a Seu ke ano ki tagata fakasausau a lona pule, na pati loa a ia kiate ia : Pe malie fai ? Kolea na au ai le vale lena kiate koe ? Na tali loa a Seu kia latou : E kotou iloa malie le tagata mo le nea leia e mafai ke pati a ia ki ai.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 11:23

E leaise sao loa se tasi o latou ; Talie e kau kakau mai loa le malaia ki le kakai o Anatote, I le fetuu leia e kau tautea ai loa latou.

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 23:13

Kua kau tio ki le fakavalevale i le kau polofeta o Samalia ; Kua lotou kikite i le igoa o Paale, Kua lotou fakasese loku kakai ko Iselaele.

Selemia 25:14

Talie e toe fakapopulai loa latou e ni puleaga makeke mo ni sau lalasi, ti e kau totogi loa kia latou o mulimuli ki alatou faiaga mo le gaoi o olatou lima.

Selemia 29:26

Kua fakanofo a koe e le Eteleno ko le tagata faisakilifisio o fetogi Seosata, le tagata faisakilifisio, o tupu ke i ai i le fale o le Eteleno ni tagata ke leoleo ia latou fuli ala e valea mo fia polofeta, o velo latou ki le pilisoni mo fakamaumau ki ni tini.

Selemia 46:21

E saele ana kau solia totogi mo ia ofaipe ni uviki pipi na fakapepeti. Kae ko latou foki, e lotou titua, e lotou sosola fuli sala ga fakatutuu fua. Talie kua soko le aso o lolatou malaia, Le aso o lolatou tautea.

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 8:11

E lotou faitoo fakakaka le lavea o le taine o loku kakai : E lotou pati : Tokamalie ! tokamalie ! Kae e leai se tokamalie.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 13:10

E soko loa a nea ana o tupu e lotou kakaai loku kakai, O pati : Tokamalie ! kae e leaise tokamalie. Ti e fakatuu e loku kakai se paa, Kae ko latou, e lotou fakamomole aia ki se lase.

Esekiele 13:3

E folafola le Aliki, le Eteleno, o pati : Malaia ki polofeta valea, Ala e mulimuli ki olatou loto totonu Kae e leaise lotou tio fua ki se nea !

Esekiele 25:17

E kau fai loa se totogi lasi kia latou Mo se valoki kaka, Ti e lotou iloa loa ko au ko le Eteleno, Mo ka kau tuku loa kia latou loku sausau.

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:8

Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 7:4

Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Maleko 3:21

I le logo a matua o Sesu ki le nea kua soko, na lotou ano loa ko lona too ; talie na lotou pati : Kua valea a ia.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Lua tosi ki le kau Kolinto 5:13

Talie, kapau kua kau valea, ti e tupu ko le Atua ; kapau e kau poto, ti e tupu ko koutou.

Apokalipisi 16:19

Ti na paisi tolu loa le kolo lasi, ti na sosolo loa a kolo o atu puleaga, ti na manatui loa e le Atua a Papilone ko le kolo lasi, ke soli kiate ia le ipu o le vino o lona sausau kaka.