Oseo 9:6 - Tosi Tapu

⁶ Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Oseo 9:6 ပူးပေါင်းရင်းမြစ်များ

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Pesalemo 107:34

Le kele mauli ko se kele kaka, O tupu ko le agaveli o lona kakai.

Taagapati 24:31

Ti ko leinei, kua sosomo a vao talatala i ganea fuli, Kua mafola a vao veveli i ai, Ti kua solo le a fatu.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 19:13

Kua ulu vale a aliki o Tesoane, Kua ninimo a aliki o Nofi, Kua fakasese a Esipito e pule o faasiga ;

Esaia 27:12

I le aso lena, E luui loa e le Eteleno ni fua, Mei le vaitafe o Eufalate o kaku ki le vaitafe o Esipito ; Ti e tae loa koutou fakataki tasi, fanau o Iselaele !

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 34:13

E tupu loa a laakau sukisuki i ona fale sau, A vao veli mo vao talatala i ona kolo tau. E liliu loa a ia ko le nofoaga o pili, Le maloloaga o lulu.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 7:23

I le aso lena, E tiaki loa ke vaoa A ganea fuli ala e maua ai loa ni tafito vite e afe, Ala na totogi ki sikele siliva e afe : E sosomo loa i ai a vao talatala mo vao sukisukia.

Selemia 2:16

Ti kua au foki mo fanau o Nofi mo Tasepanase O tele lou tumuaki.

Selemia 42:22

Ke kotou iloa i le aso nei, e kotou mamate loa i le seleta, mo le oge, ti mo le taumasaki, i le ganea leia e kotou loto ke kotou ano o nonofo ai.

Selemia 44:1

Ti na tuku loa le folafola kia Selemia o uiga mo le kau Sutea katoa leia e nofo i le fenua o Esipito, i Miketoli, mo Takepenese, mo Nofi, mo le fenua o Patolosi, o pati :

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Selemia 44:13

E kau tautea loa latou ala e nonofo i le fenua o Esipito, ofaipe laku tautea Selusalemi ki le seleta, mo le oge, mo le taumasaki.

Selemia 46:14

Kotou fakasa a ia i Esipito, Kotou fakasa a ia i Miketoli, Kotou fakasa a ia i Nofi mo Takepanese ! Kotou pati : Tuu ki aluga, teuteu, Talie e kai le seleta i ou tafa !

Selemia 46:19

Teuteu lau taga ki le popula, Taine o Esipito ! Talie e liliu loa Nofi ko se toafa, E maumaui loa a ia, e leaise toe nofo loa i ai se kakai.

Esekiele 30:13

Koia e folafola ai le Aliki, le Eteleno, o pati : E kau fakapuli loa a taulaatua, Ti e kau fakapuli loa i Nofi a fakatata noa ; E leaise toe maua loa se pule i le fenua o Esipito, Talie e kau fakamafola loa le i i le fenua o Esipito.

Esekiele 30:16

E kau tuku loa le afi ki Esipito ; Ti e mamae lasi loa Sini, E mavaa loa a No i le pu o lona kaua, Ti e maua loa a Nofi e ona fili i loto malie o le ao.

Oseo 10:8

Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Oseo 11:11

E lotou fekapu loa mei Esipito, ofaipe se manu lele, Mei le fenua o Asilia, ofaipe se lupe, Ti e kau fakanofo loa latou i olatou fale, E pati le Eteleno.

Oseo 2:6

E leaise kau alofa loa ki ana fanau, talie ko ni toe vao latou o lana faiaga.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Sofoni 1:11

Kotou fetagisi, kakai o Maketesi ! Talie kua maumau latou fuli ala e fai koloa, Ti kua mamate tagata fuli ala na tanaki paaga.

Uluaki tosi a Samuele 13:6

I le tio loa a tagata o Iselaele kua lotou tuulaga veli ai, talie kua tapotapono latou, na lotou mumuni loa i ana, mo ulu vao, mo utu, mo pu i le kele, mo sosoni.