Oseo 9:4 - Tosi Tapu

⁴ E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Oseo 9:4 ပူးပေါင်းရင်းမြစ်များ

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Ekesote 40:23

na fakatoka loa e ia i aluga a pane, i mua o le Eteleno, o mulimuli ki le nea leia na fakatotonu e le Eteleno kia Moisese.

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 16:7

E leaise tofi loa le pane i le putu, Ke fakapelepele ai se tasi o tupu ko se mate, Ti e leaise momoli loa le ipu o le fakapelepele Ki se tamana pe ki se tinana.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Esekiele 24:22

Ti e kotou fai loa i le aso lena ofaipe laku fai. E leaise kotou uufi loa okoutou mata, ti e leaise kotou kai loa le pane a ni iki,

Taniela 1:8

Na fakapapau loa Taniela i lona loto ke aua na fakakelekele a ia ki nea kai a le sau mo le vino leia e inu e ia, ti na kolekole loa a ia ki le pule o le kau enuke ke aua na fakamaua kiate ia ke fakakelekele a ia.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:9

Kua pupuli moliga mo lipasio i le fale o le Eteleno ; Kua mamae a tagata faisakilifisio, tagata fakasausau a le Eteleno.

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Levitiko 17:11

Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 21:17

Masau kia Alone, o pati kiate ia : ko le tagata fuli ai i lou lanu mo ou sakoga, leia e maua ia loa se mele i lona tino, e leaise fakafeofi loa a ia o momoli le nea kai o lona Atua.

Levitiko 21:21

Ko tagata fuli o le faasiga o Alone, leia e maua ia loa se maimoa fakatino, e leaise fakafeofi loa o momoli ki le Eteleno a sakilifisio tutu e le afi ; e maua e ia se maimoa fakatino : e leaise fakafeofi loa a ia o momoli le nea kai o lona Atua.

Levitiko 21:6

E lotou maokioki loa ki lolatou Atua ; ti e leaise lotou fakamatagafua loa le suafa o lolatou Atua, talie e lotou momoli ki le Eteleno a failaulau tutu e le afi, le nea kai o lolatou Atua : e lotou maokioki loa.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Numelo 28:2

Kotou tokaga loa o aumai kiate au, i olatou temi totonu, loku moliga, le nea kai o aku sakilifisio tutu e le afi, ala e manogi malie kiate au.

Numelo 4:7

E lotou folasi loa se kie usi i aluga o le laupapa o pane tapu, ti e lotou teki loa ki aluga a pa, mo ipu lalasi, mo ipu loloto, ti mo kalise ki lipasio ; e tuku tuumau loa a pane i ai.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Tetelonome 26:14

Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.