Oseo 9:3 - Tosi Tapu

³ E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Oseo 9:3 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Tagi laulau a Selemia 5:6

Na motou falo omatou lima ki Esipito, mo Asilia, Ke motou makokona i se pane.

Esekiele 4:13

Ti na pati le Eteleno : E kai feneeki loa e fanau o Iselaele lalatou pane kelekele, i puleaga ala e kau kapu loa latou ki ai.

Taniela 1:8

Na fakapapau loa Taniela i lona loto ke aua na fakakelekele a ia ki nea kai a le sau mo le vino leia e inu e ia, ti na kolekole loa a ia ki le pule o le kau enuke ke aua na fakamaua kiate ia ke fakakelekele a ia.

Oseo 11:11

E lotou fekapu loa mei Esipito, ofaipe se manu lele, Mei le fenua o Asilia, ofaipe se lupe, Ti e kau fakanofo loa latou i olatou fale, E pati le Eteleno.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Levitiko 18:28

Kotou tokaga na luluai loa koutou e le fenua, mo kapau e kotou fakakelekele loa a ia, ofaipe lana luluai latou ala na nonofo i ai i mua o koutou.

Levitiko 20:22

E kotou tausi loa aku lao fuli mo aku fakatotonu. Ti e leaise luluai loa koutou e le fenua leia e kau taki loa koutou ki ai ke koutou nofoi.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Gaoi 10:14

Kae na tali loa Petelo : Leai, Aliki, talie e leikiaise kau kai fua i se aso ki se nea e tapu pe kelekele.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.

Tetelonome 28:68

Ti e toe aumai loa a koe e le Eteleno i ni vaka ki Esipito, ti e ke toe fai ia loa le ala leia na kau pati atu kiate koe : ke aua na ke toe tio loa ki ai ! I lena, ko tagata mo fafine, e kotou fakatau loa koutou totonu ki okoutou fili ke popula, ti e leaise maua loa se tasi leia e fia totogi ia loa koutou.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.