Oseo 9:2 - Tosi Tapu

² Ko le sasaaga fulumeto, mo le tatauaga lolo e leaise fagai ia loa latou, Ti ko le vino foou e sala loa ia latou.

Oseo 9:2 ပူးပေါင်းရင်းမြစ်များ

Senesi 50:10

I le kaku o le fanoga ki le ganea sasa fulumeto o Atati, leia na tuu i leia atu kauvai o le Solotane, na lotou fai loa i ai ni tagi lasi mo fakamamae ; ti na fai loa e Sosefo se putu ki lona tamana i aso e fitu.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Oseo 2:9

E mulii loa e ia ana feauaki, kae e leaise toe kaku loa a ia kia latou ; e afa loa e ia latou, kae e leaise toe maua loa e ia latou. Ti e pati loa a ia : E kau ano loa, ti e kau toe liliu loa ki loku uluaki avaga, talie na kau fiafia ake i le temi lena i le temi nei.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Akeseo 2:16

I le temi a ia, ka ano se tasi ki se tuuga fulumeto ke asu mai ni fua e kau lua, Na maua fai e ia ni fua e kau agafulu ; Ka ano se tasi ki le poe vino ke asu mai ni fua vino e kau lima, Na maua fai e ia ni fua e kau lua.