Oseo 9:16 - Tosi Tapu

¹⁶ Kua taai Efalaimi, kua malo lona aka ; E leaise lotou toe maua loa ni fua ; Ti kapau e lotou maua ni fanau, E kau fakamate latou ala na lotou alofa mamae ki ai.

Oseo 9:16 ပူးပေါင်းရင်းမြစ်များ

Senesi 41:23

Ti na sosomo ake loa i olatou muli ni iki ake taulu fulumeto e fitu, ala na paao mo masunu i le matagi o le potu esite.

Sopo 18:16

E malo loa ona aka i lalo o le kele, O kaku ki ona laa i aluga.

Esaia 40:24

Na leaise to fua latou ki le kele, pe na muluki fua latou, Na leikiaise lotou maua foki ni olatou aka i le kele : Kae kua agi le matagi kia latou, ti kua lotou malo ai, Ti kua ave latou e se sasataki ofaipe ni penu.

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Oseo 5:11

Kua fakamakeke Efalaimi, kua fatii a ia e le tautea, Talie na mulimuli a ia ki manatu noa o lona loto.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.