Oseo 9:13 - Tosi Tapu

¹³ Ko Efalaimi, e kau tio kiate ia i le fetuu o Tile, E tuu a ia i se ganea malie ; Kae e taki loa e Efalaimi ana fanau ki leia e tamate ia loa latou.

Oseo 9:13 ပူးပေါင်းရင်းမြစ်များ

Lua tosi o Sau 15:16

Ti na taai loa e Menaemi le kolo ko Tifesake, mo le kakai katoa leia na nofo i ai, mo lona fenua katoa mei Tilesa ki Tifesake ; na taai loa e ia o tupu na leaise fakamavaa e ia ona matapa, ti na fakapaisi loa e ia a manava o fafine fuli na tinanae.

Sopo 27:14

Kapau e lasi ni ona vosa, e tamate loa latou e le seleta, Ti e leaise maua loa e olatou uli se pane ke feauga.

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Esekiele 27:3

Ti ke pati loa ki Tile : A koe leia e tonatona i le mata tai, Ti e ke fai koloa mo kakai o ni motu mauke ! E folafola le Aliki, le Eteleno, o pati : Tile, na ke pati : E kau fulumalie o malie tukupau !

Oseo 10:14

E malaga loa se maveuveu i lou kakai, Ti e maumaui loa ou kolo tau fuli, Ofaipe le maumaui e Salemane a Pete-Alepele, I le aso o le tau, Leia na takatakafi ai le tinana mo ana fanau.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 9:16

Kua taai Efalaimi, kua malo lona aka ; E leaise lotou toe maua loa ni fua ; Ti kapau e lotou maua ni fanau, E kau fakamate latou ala na lotou alofa mamae ki ai.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.