Oseo 9:12 - Tosi Tapu

¹² Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Oseo 9:12 ပူးပေါင်းရင်းမြစ်များ

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Sopo 27:14

Kapau e lasi ni ona vosa, e tamate loa latou e le seleta, Ti e leaise maua loa e olatou uli se pane ke feauga.

Selemia 15:7

E kau fute latou ki le matagi i matapa o le fenua ; E kau too alatou fanau, ti e kau maumaui loku kakai, Leia na leaise tafoki mei ona ala.

Selemia 6:8

Ei Selusalemi, tali le akonaki, Ke aua na kau fakamamao iate koe, Ke aua na kau fakaliliu a koe ko se toafa, Ko se fenua lavaki !

Tagi laulau a Selemia 2:20

Tio, Eteleno, tio pe ko ai leia na ke fai fenaaki ! Pe tonu ke kai e fafine a fua o olatou manava, A toe memea ala e lotou alofa mamae ki ai ? Pe tonu ke tamate a tagata faisakilifisio mo polofeta i le sagatualio o le Aliki ?

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 9:13

Ko Efalaimi, e kau tio kiate ia i le fetuu o Tile, E tuu a ia i se ganea malie ; Kae e taki loa e Efalaimi ana fanau ki leia e tamate ia loa latou.

Oseo 9:16

Kua taai Efalaimi, kua malo lona aka ; E leaise lotou toe maua loa ni fua ; Ti kapau e lotou maua ni fanau, E kau fakamate latou ala na lotou alofa mamae ki ai.

Malakia 2:12

E motusi loa e le Eteleno le tagata leia e fai ia le nea lena, leia e alaala mo leia e tali, E motusi loa e ia a ia i falela o Sakopo, Ti motusi loa e ia leia e fai ia se moliga Ki le Eteleno o kau tau.

Numelo 14:34

Na kotou tioi le fenua i aso e kau fa, e kotou amo loa le mamae o akoutou agaveli i fetuu e kau fa, ko le fetuu e tasi ki le aso e tasi. Ti e kotou iloa ai loa le veli o le agatuu kiate au.

Numelo 26:65

Talie na pati le Eteleno : E lotou mamate loa i le toafa, ti e leaise toe loa se fa toka tasi, gato fai kia Kalepo, vosa o Sefune, mo Sosue, vosa o Nune.

Tetelonome 28:18

E malaia loa le fua o lou manava, mo le fua o lou kele, mo le fua o lau kau pipi, mo lau kau ovi, mo lau kau koti.

Tetelonome 28:32

E tuku loa ou vosa mo ou taineliki ki se puleaga kese, ti e tio loa ou mata ki ai ti e lotou mamae loa i aso fuli o tupu ko latou, kae e leaise ke mafai ia loa se nea.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Tuifakamaau 4:16

Na tuli loa e Palaki a saliote mo le solia a Sisela o kaku ki Aloseti-Koimi ; ti na vilo loa le solia katoa a Sisela ki le mata o le seleta : na leaise toe sao fua se tagata e tasi.

Uluaki tosi a Samuele 16:14

Na mavae loa le Laumalie o le Eteleno ia Saulo, leia na fakamamae loa e se laumalie veli mei le Eteleno.