Oseo 9:11 - Tosi Tapu

¹¹ E sola loa le kololia o Efalaimi ofaipe se manu lele : E leaise toe fai loa se fanauga, e leaise toe maua loa se tinae, e leaise toe soko loa se tupu.

Oseo 9:11 ပူးပေါင်းရင်းမြစ်များ

Senesi 41:52

Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Senesi 49:22

Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Lua tosi a Samuele 6:23

Koia na leaise maua loa e Mikale, taine o Saulo, sana fanau o kaku ki le aso o lona mate.

Sopo 18:5

E puli loa le malama o le tagata agaveli, Ti e mate loa le ula o lana afi.

Pesalemo 58:8

Ke lotou puli noa ofaipe le vai leia e sali i le kele ! Ke lotou gae ofaipe le mutie leia e takatakafi !

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Esaia 17:3

Kua folafola le Eteleno o kau tau, o pati : Kua puli noa le kolo tau o Efalaimi, Ti mo le puleaga o Tamaso, ti mo le toega o Silia : E tatau loa a ia mo le kololia o fanau o Iselaele.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 4:7

Na lotou liuliuga o toka api, kae na lotou toe asilisili agasala kiate au. Koia e kau fetogi ai loa lolatou kololia ki se luma.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Oseo 9:14

Eteleno, soli kia latou !… Kolea e ke soli loa kia latou ?… Soli kia latou se manava leia e leaise faitoe ti mo ni u malo !

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Luka 23:29

Talie ko leinei, e soko mai loa ni aso ala e pati ai loa : Manuia latou ala e paa, manuia a manava ala na leaise fanau, ti mo u ala na leaise fakau ia !

Tetelonome 28:18

E malaia loa le fua o lou manava, mo le fua o lou kele, mo le fua o lau kau pipi, mo lau kau ovi, mo lau kau koti.

Tetelonome 28:57

mo lona ga toe foki leia nao fanaui ake fua, mo le valegafanau o le toe leia nao vilo ake fua iate ia. I le lasi o le mativa mo le pakupaku i le temi o le tau, e fanaki loa le fafine lena ki nea ana ke kai fakafufu loa e ia toka tasi, o tupu ko le veli ai o le fakaaloalofa leia e tuku loa e lou fili kiate koe i kolo fuli ala e ke nofo ai loa.

Tetelonome 33:17

E maua e ia le mamalu o lana pipi tagata leia na uluaki tupu ; Ko ona tala ko tala o le pipi vao, Ti e tamate loa e ia ki ai a puleaga fuli, O kaku ki potupotu o le kele : Ko miliate latou o Efalaimi, Ko tino afe latou o Manase.