Oseo 9:10 - Tosi Tapu

¹⁰ Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Oseo 9:10 ပူးပေါင်းရင်းမြစ်များ

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Lua tosi o Sau 17:11

Na lotou tutu loa i ganea ana ni nea fakamanogi, o tatau mo puleaga ala na kapu e le Eteleno i olatou mua, ti na lotou fai loa ni nea veveli, ke lotou fakatupu ai le ita o le Eteleno.

Pesalemo 115:8

E lotou tatau mo taulaatua, latou ala e fau ia latou Latou fuli ala e fanaki ki taulaatua.

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Esaia 28:4

Ti ko le fa se gini, leia e fulumalie ai lona kofu, I le tumutumu o le vaivailiua kele mauli, E fai loa pe se fa fiki tomua leia e sa i mua o le temi tau o fiki, Leia e taui e le lima o folo aifai.

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 24:2

Na tuku ni fiki malilie saosaoa i se kete e tasi, ofaipe ni fiki o le uluaki taukai fiki, kae na tuku i leia ake a kete ni fiki veveli, ala na leaise feala ke kai, o tupu ko lolatou fua veveli.

Selemia 3:24

Na kai e taulaatua le fua o gaoi o omatou tamana Talu mei lomatou liliki, Alatou ovi mo alatou pipi, olatou vosa ti mo olatou taineliki.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 31:2

E folafola le Eteleno, o pati : Na maua e ia le kalasia i le toafa, Le kakai o latou ala na sao i le seleta ; E saele Iselaele ki lona maloloaga.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Oseo 13:5

Na kau iloa a koe i le toafa, I se kele malo.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Oseo 4:14

E leaise kau fakatua loa okoutou taineliki i lalatou faifeauaki, Ti mo okoutou fugao talie e lotou tono tagata ; Talie ko latou totonu e ano ki potu lavaki mo ni fafine faiaga, Ti e lotou kai mo fafine faifeauaki a sakilifisio o okoutou fale tapu. E makape le kakai valea ki lona puli.

Oseo 4:18

Kua lotou mumui o inu kava, Kua lotou faiaga tuumau ; Kua manako olatou pule ki le luma.

Amosi 4:5

Kotou fai akoutou sakilifisio fakafetai ki se pane fakatupu ! Kotou fakasa, kotou logologo akoutou moliga ala e kotou fai, Talie ko le nea lena e kotou loto ki ai, fanau o Iselaele, E pati le Aliki, le Eteleno.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Numelo 15:39

Ka kotou maua loa le ga kie lena i le kapa o okoutou kofu, e kotou tio loa ki ai ti e kotou manatui loa a folafola fuli a le Eteleno ke kotou fai latou, ti e leaise kotou mulimuli loa ki oli o okoutou loto mo okoutou mata ala e ave ia loa koutou ki tausi fakapagani.

Numelo 18:13

E ke maua loa a uluaki fua fuli o le kele, ala e lotou ave loa ki le Eteleno. E kai loa ki ai leia e mea loa i lou fale.

Loma 6:21

Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Tetelonome 32:10

Na maua e ia a ia i se fenua malo, I se toafa lavaki mo gugulu. Na puipui e ia a ia, ti na tokaga a ia kiate ia. Na tausi e ia a ia ofaipe le tiloga o lona mata.

Tetelonome 32:17

Na lotou momoli loa ni sakilifisio ki ni temonio ala e leaise Atua, Ki ni atua ala e leaise lotou iloa, Ki ni atua foou ala na leaise iloa e olatou tamana.

Tetelonome 4:3

Kua tio okoutou mata ki le nea leia na fai e le Eteleno o tupu ko Paale-Peoli : na maumaui loa e le Eteleno, lou Atua, latou fuli ala na kau ki le atolasio o Paale-Peoli.

Tuifakamaau 6:32

I le aso lena, na tuku loa kia Seteone le igoa ko Selupaale, o tupu ko le pati a Soasi : Ke puipui loa e Paale a ia totonu, talie ko lona aletale leia na maumaui.