Oseo 9:1 - Tosi Tapu

¹ Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Oseo 9:1 ပူးပေါင်းရင်းမြစ်များ

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Esaia 17:11

I lau to loa latou, na ke takatakai loa latou ki se a laakau, Ti na leaise tuvai loa lolatou se. Kae na sola loa le fuata i le temi o le fiafia : Ti na leaise maua loa se faitoo ki le mamae.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Tagi laulau a Selemia 4:21

Ke ke fiafia, ke ke soposopo i le nekenekea, taine o Etome, A koe leia e nofo i le fenua o Utese ! E kaku atu loa le ipu kiate koe foki ; E ke inu loa a ia o kona, ti e fakatelefua loa a koe.

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Esekiele 16:30

Oiau ! Ki le lasi o le gaegae o lou loto, e pati le Aliki, le Eteleno, i lau aga o fai a nea fuli ana, ala ko le gaoi a se fafine pule i le faiaga.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Esekiele 21:10

Ti e iloa loa e tagata fuli Ko au, le Eteleno, na kau tosoi laku seleta i lona tukuaga. E leaise toe ulu loa a ia ki ai.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Amosi 4:5

Kotou fai akoutou sakilifisio fakafetai ki se pane fakatupu ! Kotou fakasa, kotou logologo akoutou moliga ala e kotou fai, Talie ko le nea lena e kotou loto ki ai, fanau o Iselaele, E pati le Aliki, le Eteleno.

Amosi 6:13

E kotou fakafiafia ki le nea leia e noa, E kotou pati : Pe leaise ko lomatou makeke Leia na motou maua ai le malo ?

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Sakopo 4:16

Kae ko leinei, e kotou fiafia i akoutou manatu fia nealasi. Ko se nea veli le fiafia fenaaki.

Sakopo 5:1

Kia koutou loa, kau mou koloa ! Kotou tagi mo lauga, o tupu ko malaia ala ka au loa kia koutou.