Oseo 8:8 - Tosi Tapu

⁸ Kua folo Iselaele ! Kua lotou nofo i le temi nei i loto malie o atu puleaga Ofaipe se ipu leia e leaise mauiga.

Oseo 8:8 ပူးပေါင်းရင်းမြစ်များ

Lua tosi o Sau 18:11

Na ave fakapopula loa e le sau o Asilia a Iselaele ki Asilia, ti na fakanonofo loa e ia latou i Salaki, i le fenua o Kosani leia e tafe ai le liua ko Sapole, i kolo o le kau Mete,

Esaia 30:14

E maumau a ia ofaipe se ipu kele, Leia na taai fakaveliveli ke momo, Ti e leaise toe maua loa sona ga tipi ke too ai se malamalai afi i le gutuumu, Pe ke asu ai se ga vai i le fa tane.

Selemia 22:28

Pe ko se ipu veli mo mafaa a Sekonia ? Pe leaise alofa ki ai se tasi ? Kolea kua tiaki ai latou, a ia mo lona sakoga, Ti kua kapu ai latou ki se fenua leia e leaise lotou iloa ?

Selemia 25:34

Kotou tagi laulau, tagata tausi manu, ti kotou kalaga ! Kotou fuliteka i le mugalafu, kau takitaki o kau manu, Talie kua soko mai a aso ala e tamate ai loa koutou. E kau fatifatii loa koutou, ti e kotou vivilo loa ki lalo ofaipe se ipu mauiga.

Selemia 48:38

I ato o fale fuli o Moape mo ona malae fakafenua, Kua logo ata ki ni tagi laulau, Talie kua kau momoi Moape ofaipe se ipu veli, E pati le Eteleno.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:34

Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Tagi laulau a Selemia 2:16

Kua fakamaga e ou fili fuli olatou gutu kiate koe ; E lotou mapu ; e lotou uuti olatou nifo ; E lotou pati : Na motou folo a ia ! Ko le aso maoki ai leia na motou talitali ki ai, kua motou kaku ki ai, kua motou tio ki ai !

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Tagi laulau a Selemia 2:5

Na fai le Aliki pe se fili ; Na folo e ia Iselaele, na folo e ia ona fale fakaalialiki fuli, Na maumaui e ia ona kolo tau ; Na fakaapele e ia le taine o Suta ki lauga mo tagi.

Tagi laulau a Selemia 4:2

Oiau, ko tama aliki o Sione, Ala na mauiga ofaipe le aulo mea, Kua tioi latou ofaipe ni ipu kele, Gaoiaga o lima o tagata faiipu !

Tagi laulau a Selemia 5:2

Kua fakalaka lomatou tofiga ki ni matapule, Mo omatou fale ki ni kakai kese.

Esekiele 36:3

Kikite, o pati : E folafola le Aliki, le Eteleno : Io, o tupu kua loto mei potu fuli ke maumaui koutou mo folo koutou, Ke kotou liliu ko le kele o ni puleaga kese, O tupu kua kotou liliu ko le nea gologolo mo lauveli a atu kakai,

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.