Oseo 8:6 - Tosi Tapu

⁶ E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Oseo 8:6 ပူးပေါင်းရင်းမြစ်များ

Lua tosi o Sau 23:15

Ti na maumaui loa e ia le aletale leia na tuu i Petele, ti mo le ganea taualuga leia na fakatuu e Selopoamo, vosa o Nepate, leia na fakaagasalai ia Iselaele ; ti na tutu loa e ia le ganea taualuga o okioki, ti na tutu loa e ia le fakatata.

Lua tosi o Sau 23:19

Ti na toe maumaui loa e Sosiasi a fale fuli o ganea taualuga, ala na tuu i kolo o Samalia, ala na fakatuu e sau o Iselaele ke tupu ai le ita o le Eteleno ; na fai loa e ia i Samalia a nea fuli ala na fai e ia i Petele.

Lua tosi o Koloniko 13:8

Ti ko leinei kua kotou masalo e kotou malo loa i le puleaga o le Eteleno, leia e tuku i lima o vosa o Tavite ; ti ko se kakai api koutou, ti e kotou maua a uviki pipi aulo ala na fai e Selopoamo ke kotou atua ki ai.

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 48:13

E luma loa Moape ki lona atua ko Kemosi, Ofaipe le luma o le fale o Iselaele Ki Petele, leia na fakaapele ia a ia i le fanaki.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Mikea 1:7

E fatifatii loa ona fakatata togi fuli, E tutu loa i le afi ona totogi kelekele fuli, Ti e kau maumaui loa ona taulaatua fuli, Ala na maua ki le totogi o le faiaga, E lotou liliu loa ko se totogi o le faiaga…

Apakuki 2:18

Kolea le aoga o se fakatata ta, ke tupu ai lona ta e se tagata tufuga ? Kolea le aoga o le fakatata ukamea saka leia e ako ia le loi, Ke tupu ai le tuku e le tagata lana fanaki kiate ia, Kae ko le maoki e lolotoga fau e ia ni taulaatua gutu mate ?

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.