Oseo 8:14 - Tosi Tapu

¹⁴ Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Oseo 8:14 ပူးပေါင်းရင်းမြစ်များ

Uluaki tosi o Sau 12:31

Na fakatuu loa e Selopoamo se fale i se potu taualuga, ti na fakatupu loa e ia ni tagata faisakilifisio ala na filifili mei le kakai ti na leaise kau ki vosa o Levi.

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Lua tosi o Sau 18:13

I le fetuu kau agafulu tupu fa o le sau o Esekiasi, na pale ake loa Saselipe, sau o Asilia, ke taui kolo tau fuli o Suta, ti na too loa latou e ia.

Lua tosi o Koloniko 26:10

Na fakatuu loa e ia ni tule i le toafa, ti na kenu loa e ia ni sosoni mauke, talie na maua e ia ni kau manu lasi i vaivailiua mo le laumalie o le fenua, mo ni kau tagata gaoi kele mo gaoi vite i mauga o Kalemelo, talie na fia fai a ia ki le gaoi kele.

Lua tosi o Koloniko 27:4

Na lagai loa e ia ni kolo i le mauga o Suta, mo ni fale makeke, ti mo ni tule i le vao.

Pesalemo 106:21

Na lotou galoi loa le Atua, lolatou fakamauli, Leia na fai ia ni nea lalasi i Esipito,

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Esaia 17:10

O tupu na ke galoi le Atua o lou fakamauli, Na leaise ke manatui le utu o lou ulufaga. Koia na ke fai ai ni oloto malolo, Ti na ke to ai ni tafito vite matapule.

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 42:25

Koia na liligi ai e ia ki Iselaele le vevela o lona ita, Ti mo le makeke o le tau ; Ti na tutu a ia e le tau mei potu fuli, kae na leaise matala fua a ia ; Na vela a ia i le tau, kae na leaise tokaga fua a ia ki ai.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 9:10

E fakatuu loa e le Eteleno ke agatuu kia latou a fili o Letisini, Ti e fakamasafu loa e ia olatou fili,

Esaia 9:9

Kua maluluku ki lalo ni piliki, Kae e motou toe lagai loa latou ki ni fatu ta ; Kua tuutuu ki lalo ni pou sikomole, Kae e motou toe fetogi loa latou ki ni pou sete.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 2:32

Pe galoi e le taine taupoou ona teu ? Pe galoi e le taine feauaki lona kilipipi ? Kae na galoi au e loku kakai Talu mei fualoa.

Selemia 23:27

E lotou loto ke fakagaloi loku suafa i loku kakai Ki moemiti ala e lotou tasi fakamatala ki lona oloi, Ofaipe le galoi o loku suafa e olatou tamana o tupu ko Paale.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Esekiele 23:35

Koia e folafola ai le Aliki, le Eteleno, o pati : O tupu na ke galoi au, O tupu na ke tiaki au ki ou muli, Koia e ke amo ai loa le tua o au aga fakalialia mo au faiaga.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Amosi 1:10

E kau kakau loa le afi ki paa o Tile, Ti e kai loa e ia ona fale sau.

Amosi 1:12

E kau kakau loa le afi ki Temane, Ti e kai loa e ia a fale sau o Potesela.

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Amosi 1:4

E kau kakau loa le afi ki le fale o Asaele, Ti e kai loa e ia a fale sau o Pene-Atate.

Amosi 2:5

E kau kakau loa le afi ki Suta, Ti e kai loa e ia a fale sau o Selusalemi.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.