Oseo 8:10 - Tosi Tapu

¹⁰ Logo ai na lotou fai ni nea alofa ki atu puleaga, I le temi nei e kau fakatasi latou, Ti kua vave fua le temi leia e lotou mamae ai loa i le kavega a le sau o aliki.

Oseo 8:10 ပူးပေါင်းရင်းမြစ်များ

Lua tosi o Sau 14:26

Talie na tio loa le Eteleno kua lasi ai le mamae o Iselaele ti mo lolatou popula, kae e leaise tasi fua na au o saofaki latou.

Lua tosi o Sau 17:3

Na pale ake loa Salemanasale, sau o Asilia, o taui a ia ; ti na popula loa Ose kiate ia, o totogi loa se tukusau ki le sau o Asilia.

Lua tosi o Sau 17:4

Kae na iloa loa e le sau o Asilia se agatuu kiate ia i le fale o Ose, ti na kakau loa e ia ni tagata avelogo ki le sau o Esipito ko So, leia na leaise koi soli ia le tukusau i le fetuu ki le sau o Asilia. Na sai loa e le sau o Asilia a Ose ki ni tini, o tuku ki le pilisoni.

Uluaki tosi o Koloniko 5:26

Na eke fakamakeke loa le Atua o Iselaele le loto o Pulu, sau o Asilia, mo le loto o Tilekate-Pilenesele, sau o Asilia, ti na ave popula loa e Tilekate-Pilenesele a vosa o Lupeni, mo vosa o Kate, mo le vaelua o vosa o le faasiga o Manase, ti na taki loa e ia latou ki Salaki, mo Sapole, mo Ala, ti mo le vaitafe o Kosani, leia na lotou nonofo ai loa o kaku mai ki le aso nei.

Esaia 10:8

Talie na pati a ia : Pe leaise ko ni sau aku pule ?

Esaia 30:2

Ala e ifo ki Esipito kae na leaise afa mai kiate au, O afa se makeke i tafa o Falaone, O afa se mumuniaga i le malu o Esipito !

Esaia 36:13

Ti na fakafeofi loa Lapesake o kalaga i lona makeke katoa i le masau fakasutea : Kotou fakalogo mai ki masau a le sau lasi, a le sau o Asilia !

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Esekiele 16:33

E tuku se totogi ki fafine faiaga fuli, kae ko koe, na ke soli ni nea alofa ki au kau mamana fuli, ti na ke totogi latou ke lotou au kiate koe i potu fuli, o faiaga mo koe.

Esekiele 16:37

Ko leinei, e kau fakatasii loa au feauaki fuli ala na ke fiafia ai, latou fuli ala na ke alofa ki ai, mo latou fuli ala na ke vesia ki ai, e kau fakatasii mai loa latou i potu fuli kiate koe, ti e kau fakasa loa kia latou lou telefua, ti e lotou tio fuli loa ki lou telefua.

Esekiele 22:20

Ofaipe le tanaki o le paaga, mo le sila, mo le ukamea, mo le pulu, mo le etani ki le gutuumu, ti e pupusi loa le afi ke fakasusua ai latou, e kau tanaki fenaaki loa koutou i loku sausau mo loku sausau lasi, ti e kau laku loa koutou ki le gutuumu ke tutu ai koutou.

Esekiele 23:5

Na agatuu loa Olola kiate au ; Na oli makeke loa a ia ki ana feauaki, Ki le kau Asilia ala na nonofo i ona tafatafa,

Esekiele 26:7

Talie e folafola le Aliki, le Eteleno, o pati : Ko leinei, e kau aumai loa ki Tile i le potu noleto a Nepukatenesale, sau o Papilone, le sau o sau fuli, mo ni kau osi, mo ni kau saliote, mo ni kau tagata ekeosi, ti mo se kakai toka api.

Taniela 2:37

Ei sau, ko le sau a koe o atu sau, talie kua soli kiate koe e le Atua o le atu lagi le puleaga, mo le pule, mo le makeke, mo le kololia ;

Oseo 10:10

E kau tautea loa latou o mulimuli ki loku loto, Ti e fakatasi loa ni kakai kia latou, Mo ka sai loa latou ki tini o tupu ko lalatou agaveli kua liuga lua.

Oseo 12:2

E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Akeseo 2:6

Talie e folafola le Eteleno o kau tau : Koi toe fua se ga temi ikiiki, Ti e kau luui loa le atu lagi mo le malama nei, Le tai mo le kele malo.