Oseo 8:1 - Tosi Tapu

¹ Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Oseo 8:1 ပူးပေါင်းရင်းမြစ်များ

Lua tosi o Sau 18:27

Na tali loa Lapesake kia latou : Pe na kakau mai au e loku pule o fakasa a masau anei ki lou pule mo koe ? Pe na leaise kakau mai au ke fakasa a masau anei ki tagata ana e nonofo i le paa o kai olatou faikauga mo inu olatou livai mo koutou ?

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 34:18

E kau tuku loa a tagata ala na maumaui ia laku sai, ala na leaise fakaapaapa ki le fakapapau leia na lotou fai i oku mua, o tuuti i loto malie le uviki pipi ti mo fakalaka i vasa o inati ;

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 4:5

Kotou fakasa i Suta, kotou kalaga i Selusalemi, Ti kotou pati : Kotou pupusi le fakatagi pupusi i le fenua ! Kotou kalaga i le makeke katoa, ti kotou pati : Kotou fakamaopo mai, ti ke tou ano ki kolo tau !

Selemia 48:40

Talie folafola le Eteleno, o pati : Ko leinei, e lele a ia ofaipe se akuila, Ti e folasi e ia ona kapakau ki Moape.

Selemia 49:22

Ko leinei, ofaipe le akuila leia e au, e lele a ia, E folasi e ia ona kapakau ki Potesela, Ti ko le mafu o toa o Etome i le aso lena E faipe le mafu o se fafine leia e fanau.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Esekiele 11:4

Koia, vosa o le tagata, kikite kia latou !

Esekiele 16:59

Talie e folafola le Aliki, le Eteleno, o pati : E kau fai loa kiate koe o mulimuli ki le nea leia na ke fai, a koe leia na nukinuki ki le fakapapau o motusi le sai.

Esekiele 17:3

E ke pati loa : E folafola le Aliki, le Eteleno, o pati : Na au loa i Lipane se akuila lasi, na kapakau lalasi mo loloa, ti na apele i fulu na lanu kesekese, ti na fatii loa e ia le tumutumu o se sete.

Esekiele 7:14

Kua pupusi le fakatagi pupusi, kua tokamalie nea fuli, Kae e leaise saele se tasi ki le tau ; Talie e vilo loku sausau ki le kakai katoa.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Soele 2:15

Kotou pupusi le fakatagi pupusi i Sione ! Kotou logologo se sesunio, mo se fakatasi mamalu !

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Amosi 9:1

Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Apakuki 1:8

E gasolo ake ana osi i leopale, Ti e lotou makamu ake i lupo o le afiafi. E saele ana tagata eke osi i le fia nealasi, E au ana tagata eke osi mei mamao, E lotou lele ofaipe le akuila leia e oso ki lana nea kai.

Sofoni 1:16

Ko se aso e tagi ai loa le fakatagi pupusi mo ni kalaga tau Ki kolo tau mo tule taualuga.

Sakalia 11:1

Lipane, fakamavaa ou matapa, Ti ke kai e le afi ou sete !

Sakalia 9:14

E sa loa le Eteleno i aluga o latou, Ti e makamu loa lana gasau ofaipe le uila. E pupusi loa e le Aliki, le Eteleno, le fakatagi pupusi, E au loa a ia i le asesio o le potu saute.

Mateo 24:28

I se ganea fua leia e maua ai se tino mate, i lena e tanaki ai a votu.

Uluaki tosi ki le kau Kolinto 15:52

i se temi e tasi, i le kemo o le mata, i le pupusi o le fakatagi fakamuli. E tagi loa le fakatagi pupusi, ti e toe tuuake loa le kau mate i ni tino lee pala, ti ko tatou, e tou fetogi loa.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,