Oseo 7:8 - Tosi Tapu

⁸ Kua fakatasi Efalaimi mo atu puleaga ; Ko Efalaimi ko se fa keke leia na leaise fulusi.

Oseo 7:8 ပူးပေါင်းရင်းမြစ်များ

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Esetalasi 9:12

Koia, aua na kotou soli loa okoutou taineliki ki olatou tamaliki, ti aua na kotou too loa olatou taineliki ke avaga mo okoutou vosa, ti aua na kotou afa loa ke lotou fimalie ti ke lotou mou koloa ; o tupu ke kotou liliu loa o makeke, ti mo kotou kai loa a fua malilie o le fenua, ti mo kotou tuku loa le fenua ko se tofiga ki okoutou vosa, o lee gato.

Pesalemo 106:35

Na lotou fefiloaki loa mo atu puleaga, Ti na lotou ako loa alotou gaoiaga.

Oseo 5:13

E tio Efalaimi ki lona masaki, ti mo Suta ki ona lavea ; E ano Efalaimi ki Asilia, o masau ki le sau ko Salepe ; Kae e leaise mafai e le sau lena ke faitoo ia koutou, Talie e leaise maua e ia se faitoo ki okoutou lavea.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Oseo 7:9

Kua kai lona makeke e ni kau matapule, Kae e leaise iloa e ia ; Kua maua a ia e le matua, Kae e leaise iloa e ia.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Malakia 2:11

Na leaise agatonu a Suta, Ti na fai se nea fakalialia i Iselaele mo Selusalemi ; Talie na fakakelekele e Suta le nea leia na fakatapu ki le Eteleno, le nea leia e fiafia ai le Eteleno : Na avaga a ia mo le taine o se atua kese.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.