Oseo 7:2 - Tosi Tapu

² E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Oseo 7:2 ပူးပေါင်းရင်းမြစ်များ

Sopo 34:21

Talie e tio le Atua ki le mauli o tagata fuli, Ti e tuku ona mata ki lakaaga o le tagata taki toka tasi.

Pesalemo 10:11

E pati a ia i lona loto : E loto galogalo le Atua ! E tapono e ia ona mata, e leaise tio a ia i se aso !

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Pesalemo 90:8

E ke tuku i ou mua amatou agaveli, Ti e ke fakasa ki le malama o ou mata amatou agasala na fufu.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 44:19

E leaise fakakaukau a ia, Ti e leaise maua e ia se atamai, pe ko le manatu poto fua ke pati : Na kau tafu le afi ki le koga o le laakau leinei, Na kau fakamoso se nea kai i malala kaka, Na kau tunu i ai se inati ti na kau kai a ia ; Ti e kau fai loa ki le toe o le potu laakau se nea fakalialia ! E kau punou loa i mua o se potu laakau !

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 16:17

Talie e tokaga oku mata ki olatou ala fuli, E leaise munia olatou ala i oku mua, Ti e leaise puli alatou agaveli ki oku mata.

Selemia 17:1

Kua tosi le agasala a Suta ki se peni ukamea, Ki se matai taimane ; Kua tosi a ia i le laupapa o lolatou loto, Ti mo tala o okoutou aletale.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 44:21

Pe na leaise manatui loa e le Eteleno, pe na leaise taofi loa e ia i lana fakakaukau le iseso leia na kotou tutu i kolo o Suta mo ala o Selusalemi, e koutou, mo okoutou tamana, mo okoutou sau, mo okoutou pule, mo le kakai o le fenua ?

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Oseo 12:2

E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Oseo 4:9

E tatau loa ki le tagata faisakilifisio mo le kakai : E kau tautea loa a ia o mulimuli ki ona ala, E kau totogi loa kiate ia o mulimuli ki ana gaoi.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Amosi 8:7

Kua fakapapau le Eteleno i le kololia o Sakopo : E leaise kau toe galoi loa sana gaoi fua e tasi.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Luka 12:2

E leaise nea leia e munia e leaise tonu ke sa loa, ti e leaise nea leia e fakapulipuli e leaise tonu ke iloa loa.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.