Oseo 7:16 - Tosi Tapu

¹⁶ E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Oseo 7:16 ပူးပေါင်းရင်းမြစ်များ

Pesalemo 12:3

E feloiaki ala ki la, E maua i laugutu ni masau fakalapulapu, E masau i se loto fia nealasi.

Pesalemo 12:4

Ke fakapuli e le Eteleno a laugutu fakalapulapu fuli, Mo le alelo leia e masau matasoka,

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 17:10

E lotou tapono olatou tootooga, E lotou maua i olatou gutu ni masau fia nealasi.

Pesalemo 52:2

I le au o Toeke, le tagata Etome, o pati kia Saulo : Na ano Tavite ki le fale o Asimeleke.

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Pesalemo 73:9

E lotou siki olatou gutu o lauveli ki le lagi, Ti e evaeva olatou alelo i le malama nei.

Pesalemo 78:37

Na leaise maoki olatou loto kiate ia, Ti na leaise lotou agatonu ki lana sai.

Pesalemo 78:57

Na lotou fakamamao loa ti na leaise lotou agatonu loa ; ofaipe olatou tamana, Na lotou toe liliu loa ki muli ofaipe se kalolo kaka.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 3:10

Kae logo ai a nea fuli ana, na leaise tafoki mai kiate au, lona taina kaka ko Suta, i lona loto katoa ; kae na tafoki fakakaka mai fai a ia kiate au, e pati le Eteleno.

Selemia 42:18

Talie e folafola le Eteleno o kau tau, le Atua o Iselaele : E kau liligi loa loku sausau kia koutou ofaipe laku liligi a ia ki le kakai o Selusalemi, mo kapau e kotou ano loa ki Esipito ; e kotou liliu loa ko se nea fakalialia, mo fakaii, mo fakatupu malaia, mo fakalumaluma, ti e leaise kotou toe tio loa ki le ganea leinei.

Esekiele 23:32

Koia e folafola ai le Aliki, le Eteleno, o pati : E ke inu loa le ipu o lou taina, E ke inu loa le ipu lasi mo loloto lena ; E kakata loa kiate koe, mo gologolo loa kiate koe, Talie kua apele pipi le ipu.

Esekiele 36:20

Na lotou kaku ki puleaga ala na lotou ano ki ai, ti na lotou fakakelekele loku suafa maokioki, o tupu ai le pati kia latou : Ko le kakai lena o le Eteleno, ti kua lotou mavae i lona fenua.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Oseo 9:4

E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Malakia 3:13

E fia nealasi akoutou masau kiate au, e pati le Eteleno, Ti e kotou pati : Kolea na motou lau kiate koe ?

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?

Mateo 12:36

E kau pati atu kia koutou : I le aso o le fakamaau, e tio loa a tagata ki fua o masau vaiga fuli ala na lotou fai.

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Sakopo 3:5

E toe tatau foki mo le alelo, ko se ga koga tino ikiiki fua a ia, kae e viki a ia ki nea lalasi. Kotou tio ki le vaomatua lasi leia kua tutu e se ga afi ikiiki !

Lua tosi a Petelo 2:8

(talie ko le tagata agatonu lena, leia na nofo i loto malie o latou, na fakamamae ia lona laumalie agatonu i le aso katoa, o tupu ko alatou aga fakalialia ala na tio a ia ki ai ti mo logo a ia ki ai).

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.