Oseo 7:13 - Tosi Tapu

¹³ Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 7:13 ပူးပေါင်းရင်းမြစ်များ

Neemia 1:10

Ko au tagata fakasausau latou anei ti ko lou kakai, leia na ke totogi ki lou mafimafi ti mo lou lima makeke.

Sopo 22:17

Na lotou pati ki le Atua : ano kese ia matou ; Kolea le nea e feala ke fai e le Mafimafi kia matou ?

Pesalemo 106:10

Na fakamauli loa e ia latou i le lima o leia na vesia kia latou, Na saofaki e ia latou i le lima o le fili.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 30:2

Ala e ifo ki Esipito kae na leaise afa mai kiate au, O afa se makeke i tafa o Falaone, O afa se mumuniaga i le malu o Esipito !

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 42:20

E kotou kakaai a koutou totonu, talie na kotou kakau au ki le Eteleno, lokoutou Atua, o pati : Faikole ki le Eteleno, lomatou Atua, o uiga mo matou ; fakasa mai kia matou a nea fuli ala e pati loa ki ai le Eteleno, lomatou Atua, ti e motou fai loa latou.

Selemia 51:9

Na motou loto ke fakamauli Papilone, kae na leaise mauli a ia. Tou tiaki a ia, ti ke tasi ano le tagata ki lona fenua ; Talie kua kaku lona tautea ki le lagi, Ti kua pale a ia o kaku ki ao.

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Tagi laulau a Selemia 5:16

Kua vilo le pala o lomatou ulu ! Malaia kia matou, talie kua motou agasala !

Esekiele 16:23

I le oki o au gaoi veveli fuli, - malaia, malaia kiate koe ! e pati le Aliki, le Eteleno, -

Esekiele 18:2

Kolea e kotou fai ai le taagapati leinei i le fenua o Iselaele : Kua kai e tamana ni fuai vite momoto, ti kua makiti a nifo o fanau ?

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Esekiele 34:6

E sese laku kau manu i aluga o mauga fuli, i aluga o mauga liliki, ti e mavetevete laku kau manu i le fenua katoa. E leaise tokaga se tasi kiate ia, ti e leaise afa a ia e se tasi.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Oseo 7:3

E lotou fakafiafia le sau ki lalatou agaveli, Ti mo pule ki alatou loi.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Oseo 9:17

E tiaki loa latou e loku Atua, o tupu na leaise lotou fakalogo kiate ia, Ti e lotou foli noa loa i atu puleaga.

Sonasi 1:10

Na i lasi loa a tagata ana, ti na lotou pati loa kiate ia : Kolea na ke fai ai le nea lena ? Talie kua iloa e le kau tagata lena na sola a ia mei mata o le Eteleno, talie na fakasa ake e ia kia latou.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Tetelonome 15:15

E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Uluaki tosi a Soane 1:10

Kapau e tou pati na leaise tou agasala, e tou fakaloii a ia, ti e leaise nofo lana folafola ia tatou.

Apokalipisi 8:13

Ti na kau tio loa, ti na kau logo loa ki se akuila leia na lele i loto malie o le lagi, o kalaga leo lasi : Malaia, malaia, malaia ki kakai o le malama nei, o tupu ko la ake a pupusi o le fakatagi pupusi a aselo e tolu ala ka pupusi loa !