Oseo 7:12 - Tosi Tapu

¹² Kapau e lotou ano, e kau fola loa loku kupega kia latou ; E kau laku loa latou ki le kele ofaipe manu lele o le lagi ; E kau tautea loa latou o mulimuli ki le nea leia na fakasa i lalatou fakatasiga.

Oseo 7:12 ပူးပေါင်းရင်းမြစ်များ

Sopo 19:6

Ke kotou iloa ko le Atua leia na tuku ia kiate au le malaia leinei, Ti na fui ia au ki lona kupega.

Ekelesiasi 9:12

E leaise iloa foki e le tagata lona lakaga, ofaipe ni ika ala kua piki mamate i le kupega, mo ni manu lele ala kua piki i le masele ; e pikiia foki a vosa o le tagata i le aso o le malaia, mo ka vilo fakapunamauli a ia kia latou.

Selemia 16:16

E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Esekiele 12:13

E kau folasi loa laku kupega kiate ia, Ti e maua loa a ia i laku masele ; E kau ave loa a ia ki Papilone, ki le fenua o le kau Kaletea ; Kae e leaise tio loa a ia ki ai, ti e mate loa a ia i ai.

Esekiele 17:20

E kau folasi loa laku kupega kiate ia, ti e pikiia loa a ia ; e kau ave loa a ia ki Papilone, ti e kau tautea loa a ia i ai, o tupu ko lana agatuu kiate au.

Esekiele 32:3

Koia e folafola ai le Aliki, le Eteleno, o pati : E kau folasi loa loku kupega kiate koe, I se fakatasiga a ni kakai toka api, Ti e lotou toso loa a koe i loku kupega ki le mata tai.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.