Oseo 6:6 - Tosi Tapu

⁶ Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Oseo 6:6 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 50:8

E leaise kau valoki a koe o tupu ko au sakilifisio ; Pe ko au failaulau ala e fai tuumau i oku mua.

Taagapati 21:3

Ko le fai o le faitotonu mo le maoki, Ko lena le nea e mauiga ake ki le Eteleno i sakilifisio.

Ekelesiasi 5:1

Aua na ke fakatavili o fakamavaa lou gutu, ti aua na fai vave e lou loto se masau i mua o le Atua ; talie e nofo le Atua i lagi kae ko koe, e ke nofo i le kele : fakateiki au masau.

Esaia 1:11

E pati le Eteleno : kolea le uiga o le liuliuga o akoutou sakilifisio ? Kua kau makona i failaulau o ovi tagata ti mo le gako o uviki pipi tagata ; E leaise kau maua se fiafia i le toto o pipi tagata, mo ovi fafine ti mo koti tagata.

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Selemia 22:16

Na fakamaau e ia i le faitotonu le mativa mo le fakaaloalofa, Ti na manuia a ia. Pe leaise ko lena loku iloa ? e pati le Eteleno.

Selemia 7:22

Talie na leaise kau masau fua mo okoutou tamana ti na leaise kau tuku fua kia latou se fakatotonu e tasi, I le aso leia na kau fakamavae ai latou i le fenua o Esipito, O uiga mo ni failaulau ti mo ni sakilifisio.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Oseo 2:20

I aso ana, e kau fai loa kia latou se sai mo manu o faisaga, mo manu lele o le lagi, ti mo manu totolo o le kele ; e kau fatii loa i le fenua le gasau, mo le seleta, ti mo le tau, ti e kau fakamalolo loa latou i le tokamalie.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Amosi 5:21

E kau vesia, e kau fakalialia ki okoutou aso lalasi. E leaise koi kau fia sauga fua ki akoutou fakatasi.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Mateo 12:7

Kanapau na kotou iloa le uiga o le nea leinei : E kau maua loku fiafia i le manavaalofa, kae leai i ni sakilifisio, na leaise kotou tautea loa ni kakai saosaoa.

Mateo 5:7

Manuia latou ala e manavaalofa, talie e lotou maua loa le manavaalofa !

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Sosue 5:5

Kae na leai fua se silikosisio se fa toka tasi i tamaliki tagata fuli ala na tupu i le lolotoga o le fanoga i le toafa : Koia na tonu ai ke fai e Sosue le nea lena.

Uluaki tosi a Soane 2:3

Kapau e tou fakalogo ki ana folafola, e tou iloa i ai kua tou iloa a ia.

Uluaki tosi a Soane 3:6

Ko leia e nofo mau iate ia e leaise mauli a ia i le agasala ; ko leia e mauli i le agasala na leaise tio a ia kiate Ia, ti na leaise iloa e ia a Ia.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.