Oseo 6:5 - Tosi Tapu

⁵ Koia leia e kau taai ai loa latou ki le kau polofeta, E kau tamate loa latou ki folafola o loku gutu, Ti e sa loa aku fakamaau ofaipe le malama.

Oseo 6:5 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Uluaki tosi o Sau 14:6

I le logo loa a Akisa ki le logoa o lana saele i lana fakalaka i le matapa o ulu ki fale, na pati loa Akisa : Ulu mai, ei avaga o Selopoamo ; kolea e ke faiga ai ke ke liliu ko se tasi ake fafine ? Kua tuku mai kiate au ke kau fakasa atu kiate koe ni nea mamafa ai.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Uluaki tosi o Sau 19:17

Ti e soko loa ko leia e sao loa i le seleta a Asaele, e tamate loa a ia e Seu ; ti ko leia e sao loa i le seleta a Seu, e tamate loa a ia e Eliseo.

Lua tosi o Sau 1:16

Na pati loa Elia ki le sau : Ko leinei le folafola a le Eteleno : Talie na ke kakau ni tagata avelogo kia Paale-Sepu, atua o Ekeloni, o sakinake na leaise maua i Iselaele se Atua leia e mafai ke afa ki ai, e leaise ke ifo loa mei le palepale leia e ke moe ai, talie e ke mate loa.

Lua tosi o Koloniko 21:12

Na aumai loa kiate ia se tosi mei le polofeta ko Elia, o pati i ai : Ko leinei le folafola a le Eteleno, le Atua o Tavite, lou tamana : O tupu na leaise ke saele i ala o Sosafate, lou tamana, ti mo ala o Asa, sau o Suta,

Sopo 15:30

E leaise sao loa a ia mei le fakapouli o le mate, Ti e tutu loa e le afi ona uli, Kae e tamate loa a ia e le Atua ki le tukumanava o lona gutu.

Sopo 34:10

Kotou fakalogo mai, koutou ala e maua ia se atamai malie ! E mamao ai i le Atua le nea e sala, E mamao ai i le Mafimafi le agaveli !

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Pesalemo 37:6

E fakasa loa e ia lou agatonu ofaipe le malama, Ti mo lou faitotonu ofaipe le laa i le lalatea.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Selemia 1:18

Ko leinei, kua kau fakanofo a koe i le aso nei ki le fenua katoa ofaipe se kolo tau, mo se fa pou ukamea, ti mo se paa sila, ki sau o Suta, mo ona pule, mo ona tagata faisakilifisio, ti mo le kakai katoa o le fenua.

Selemia 13:13

Ti e ke pati loa kia latou : E folafola le Eteleno, o pati : Ko leinei, e kau fakaapele loa a kakai fuli o le fenua leinei, A sau ala e nonofo i le ekeekeaga fakasau o Tavite, Mo le kau faisakilifisio, mo le kau polofeta, mo le kakai katoa o Selusalemi, E kau fakaapele loa latou fuli ki le vino ke konana.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Selemia 5:14

Koia e folafola ai le Eteleno, le Atua o kau tau, o pati : O tupu na kotou pati le nea lena, Ko leinei, e kau loto ke fai laku folafola i lou gutu pe se afi, Ti ke fai le kakai leinei pe se fafie, Ti ke tutu a ia e le afi lena ke okioki.

Esekiele 11:4

Koia, vosa o le tagata, kikite kia latou !

Esekiele 3:9

E kau fakaliliu loa lou lae ofaipe se fa taimane, ke fefeka ake i le makasinu. Aua na ke i kia latou, logo ai ko se famili latou o ni kakai agatuu.

Esekiele 32:18

Vosa o le tagata, Fai se tagi laulau ki le kakai api o Esipito, ti ke ti a ia ki le loloto o le kele, A ia mo taineliki o atu puleaga makeke, Ki potu loloto o le kele, Mo latou ala e ifo ki le popoko !

Esekiele 43:3

Ko le nea lena na kau tio ki ai na tatau mo leia na kau tio ki ai i le aso leia na kau au ai ke maumaui le kolo ; ti na tatau le nea lena mo leia na kau tio ki ai i tafa o le vaitafe o Kepale. Ti na kau fakavilo loa ki lalo o fakatau oku mata ki le kele.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Gaoi 7:31

I le tio a Moisese ki le nea lena, na ofolele loa a ia i le sa lena ; ti i lana fakafeofi ke tio ki ai, na logo mai loa kiate ia le leo o le Aliki, o pati :

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Efeso 6:17

ti kotou too foki le puloga tau o le fakamauli, mo le seleta a le Laumalie, leia ko le folafola a le Atua.

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Apokalipisi 1:16

Na too e ia i lona lima atamai ni fetuu e fitu. Na ulu mei lona gutu se seleta lau ikiiki, mata lua ; ti ko ona mata na faipe le laa mo ka ula i lona makeke katoa.

Apokalipisi 2:16

Koia ke ke fakasemala ; ka leai, e kau au vave loa kiate koe, ti e kau taui loa latou ki le seleta o loku gutu.

Apokalipisi 9:15

Ti na veteki loa e ia a aselo e fa ala kua teuteu ki le ola, mo le aso, mo le masina, ti mo le fetuu, ke tamate ia le vaega tolu o tagata.

Apokalipisi 9:21

ti na leaise lotou fakasemala foki ki alatou tukipo, mo alatou nea fakatemonio, mo alatou fai feauaki, ti mo alatou kaia.

Uluaki tosi a Samuele 13:13

Na pati loa Samuele kia Saulo : Kua ke fai pe se vale, kua leaise ke tausi le fakatotonu na tuku atu kiate koe e le Eteleno, lou Atua. Kanapau e ke fakalogo loa, na fakamakeke loa e le Eteleno lou pule i Iselaele o lee gato ;

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.

Uluaki tosi a Samuele 15:32

Ti na pati loa Samuele : Aumai kiate au Akake, sau o Amaleke. Ti na nake loa a ia o mata fakafiafia ake kiate ia, talie na pati a ia : Kua kau sao maoki loa i le mate.

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.