Oseo 6:4 - Tosi Tapu

⁴ Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Oseo 6:4 ပူးပေါင်းရင်းမြစ်များ

Selemia 3:10

Kae logo ai a nea fuli ana, na leaise tafoki mai kiate au, lona taina kaka ko Suta, i lona loto katoa ; kae na tafoki fakakaka mai fai a ia kiate au, e pati le Eteleno.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 34:15

Kae ko koutou, kua kotou toe maliu mai, o fai le nea leia e totonu ki oku mata, o kotou tuku okoutou fetaina ke lauatea, ti kua kotou fai se fakapapau i oku mua, i le fale leia e kalagai ai loku suafa.

Selemia 5:23

E maua e le kakai leinei se loto patigataa mo agatuu ; E lotou agatuu, ti e lotou ano.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Selemia 5:9

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Mateo 13:21

Kae e leaise maua e ia ni aka iate ia totonu, ti e leaise kataki fualoa a ia, ti ka soko mai fai se fakafesagai pe ko se fakaveliveli o tupu ko le folafola, e maua e ia i ai se faigamalie ke siga.

Tuifakamaau 3:12

Na toe agaveli loa fanau a Iselaele ki le Eteleno ; ti na fakamakeke loa e le Eteleno a Ekeloni, sau o Moape, ke malo i Iselaele, talie na fai loa e fanau a Iselaele le nea na veli ki mata o le Eteleno.