Oseo 6:1 - Tosi Tapu

¹ Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Oseo 6:1 ပူးပေါင်းရင်းမြစ်များ

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Sopo 16:9

Kua sae e ia au ti kua tuli e ia au i lona sausau, Kua uuti e ia ona nifo kiate au, Kua osoi e ia au, ti kua sukii e ia au ki ana tio.

Sopo 22:23

E toe fakatuu loa e ia a koe ofai pe mua Mo ka ke tafoki ki le Mafimafi, Mo ka ke fakamamao le agaveli i lou falela.

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Sopo 5:18

E fai e ia le mamae, kae toe fakamauli foki e ia ; E fai e ia le lavea, kae toe faitoo a ia e lona lima.

Pesalemo 30:7

Na kau pati i loku fimalie : E leaise kau siga loa i se aso !

Pesalemo 6:2

Eteleno ! aua na ke tautea au i lou ita, Ti aua na ke taai au i lou ita lasi.

Pesalemo 71:20

Na ke asiasii matou ki ni mamae mo ni malaia ; Kae e ke toe soli mai loa le mauli kia matou, E ke toe paleaki ake loa matou i le vanu o le kele.

Ekelesiasi 3:3

se temi ke tamate ai, ti mo se temi ke fakamauli ai ; se temi ke soloi ai, ti mo se temi ke laga ai ;

Esaia 17:7

I le aso lena, e tagaki loa le tagata ki lona Atua, lona tupuaga, Ti e maliu loa ona mata ki le Maokioki o Iselaele.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 30:12

E folafola le Eteleno, o pati : E veli ai lou kafo, E mamae ai lou lavea.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 33:5

I le aso leia e kotou ano ai loa o tau ki le kau Kaletea, Ti e lotou apele ai loa i mate o tagata, Ti e kau tamate ai loa i loku sausau mo loku ita lasi ; Ti e kau fufu loa oku mata ki le kakai o Selusalemi, O tupu ko le lasi o lana agaveli.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Selemia 50:4

I aso ana, i le temi lena, e pati le Eteleno, e toe liliu fakatasi loa fanau o Iselaele mo fanau o Suta ; E lotou saele tagi loa, Ti e lotou afa loa le Eteleno, lolatou Atua.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Tagi laulau a Selemia 3:11

Na pikoii e ia oku anoaga, na saei e ia au, Na tuku e ia au ki le mativa.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Levitiko 14:48

Ti kapau, i le oki o lona toe tioi, e tio loa le tagata faisakilifisio e leaise toe sa loa le pule sekaseka i le oki o le fakamomole foou o le fale, ti e fakasa loa e ia e mea le fale lena, talie kua puli le pule sekaseka.

Sofoni 2:1

Kotou ulu kia koutou totonu, kotou fakakaukau mua, Puleaga sala luma,

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Uluaki tosi a Samuele 2:6

E fakamate ti e fakamauli e le Eteleno, E fakaifo e ia ki le nofoaga o le kau mate, ti e toe fakapale ake e ia mei ai.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.