Oseo 5:9 - Tosi Tapu

⁹ E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Oseo 5:9 ပူးပေါင်းရင်းမြစ်များ

Sopo 12:14

Ko le nea leia e maumaui e ia e leaise toe fakatuu loa, Ti ko leia e tapono e ia i le pilisoni, e leaise toe saofaki loa.

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Esaia 48:3

Talu mei fualoa na kau fakasa a nea ala na soko i le kamataaga, Na lotou mavae mei loku gutu, ti na kau fakasa latou : Na fokifa kua kau gaoi, ti na lotou soko.

Esaia 48:5

Na kau fakasa fakatomua kiate koe a nea ana talu mei mamao, Ti na kau fakasa atu latou kiate koe kae leikiaise lotou soko, O tupu ke aua na ke pati : Ko loku taulaatua leia na fai ia latou, Ko loku fakatata laakau pe ko loku fakatata ukamea, leia na fakatotonu ia latou.

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Oseo 5:12

E kau fai loa pe se papala fakalialia kia Efalaimi, Pe se pu o le nifo ki le fale o Suta.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Oseo 7:12

Kapau e lotou ano, e kau fola loa loku kupega kia latou ; E kau laku loa latou ki le kele ofaipe manu lele o le lagi ; E kau tautea loa latou o mulimuli ki le nea leia na fakasa i lalatou fakatasiga.

Oseo 8:8

Kua folo Iselaele ! Kua lotou nofo i le temi nei i loto malie o atu puleaga Ofaipe se ipu leia e leaise mauiga.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Mikea 6:13

Koia leia e kau tautea ai loa a koe ki le mamae, E kau maumaui loa a koe o tupu ko au agasala.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Soane 16:4

Kae kua kau fakasa a nea ana kia koutou, o tupu, ka soko mai loa le ola, ke kotou manatui na kau fakasa atu latou kia koutou. Na leaise kau fakasa atu latou kia koutou i le kamataaga, talie na kau nofo mo koutou.