Oseo 5:6 - Tosi Tapu

⁶ E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Oseo 5:6 ပူးပေါင်းရင်းမြစ်များ

Ekesote 10:9

Na tali loa Moisese : E motou ano loa mo amatou fanau mo lomatou kau matua, mo omatou vosa, mo omatou taine, mo amatou ovi, ti mo amatou pipi ; talie e tonu ke motou fai se aso fakafiafia ki le Eteleno.

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Katiko o Katiko 5:6

Na kau fakamavaa ki loku mamanaaga ; Kae kua ano loku alofaaga, kua puli a ia. Na oso loku loto i lana masau mai kiate au. Na kau afa a ia, kae na leaise kau maua a ia ; Na kau kalaga kiate ia, kae na leaise tali mai a ia kiate au.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 11:14

Ti ko koe, aua na ke ulufaki le kakai leinei, Aua na ke fai kia latou se tagi mo se kole ; Talie e leaise kau fakalogo loa kia latou, Mo ka e lotou kalaga mai loa kiate au o tupu ko lolatou malaia.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 7:4

Aua na kotou fanaki ki ni amanaki kaka, o pati : Ko leinei le fale tapu o le Eteleno, le fale tapu o le Eteleno, Le fale tapu o le Eteleno !

Tagi laulau a Selemia 3:44

Na ke pulou a koe ki se ao Ke aua na kaku atu amatou kole kiate koe.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Esekiele 8:6

Ti na pati mai loa a ia kiate au : Vosa o le tagata, pe ke tio ki le nea leia e lotou fai, ki nea fakalialia lalasi ala e fai i leinei e le fale o Iselaele, o tupu ke kau fakamamao i loku sagatualio ? Kae e ke tio loa ki ni iki a nea fakalialia lalasi ake.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Amosi 8:12

E lotou feanoaki loa mei le tasi a tai ki le tasi a tai, Mei le noleto ki le esite, E lotou ano saele loa o afa le folafola a le Eteleno, Kae e leaise lotou maua loa a ia.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Luka 5:16

Kae ko ia, na ano a ia mei ai ki ni potu lavaki, o faikole i ai.

Soane 7:34

E kotou afa loa au, ti e leaise kotou maua loa au, ti e leaise feala ke kotou au ki le ganea leia e kau nofo ai loa.