Oseo 5:4 - Tosi Tapu

⁴ Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Oseo 5:4 ပူးပေါင်းရင်းမြစ်များ

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Selemia 24:7

E kau soli loa kia latou se mafu ke lotou iloa ko au ko le Eteleno ; e lotou liliu loa ko loku kakai, ti e kau liliu loa ko lolatou Atua, mo kapau e lotou toe liliu mai kiate au i lolatou loto katoa.

Selemia 50:38

Ke vilo le tau laa ki ona vai ! ke lotou mamasa ! Talie ko se fenua o taulaatua ; Kua lotou valelea ki olatou taulaatua.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Selemia 9:6

E tuu lou nofoaga i loto malie o le kaka ; E leaise lotou fia iloa au, o tupu ko le fai kaka, E pati le Eteleno.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:11

E fakatupu ulu vale le faifeauaki, mo le vino, mo le kava.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 4:14

E leaise kau fakatua loa okoutou taineliki i lalatou faifeauaki, Ti mo okoutou fugao talie e lotou tono tagata ; Talie ko latou totonu e ano ki potu lavaki mo ni fafine faiaga, Ti e lotou kai mo fafine faifeauaki a sakilifisio o okoutou fale tapu. E makape le kakai valea ki lona puli.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 8:11

Na liuliuga e Efalaimi a aletale ke agasala ai, Ti na fakavilo a ia e aletale ana ki le agasala.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.